نئی دہلی: (ایجنسی)
تلنگانہ پولیس نے تلنگانہ راشٹر سمیتی (ٹی آر ایس) حکومت اور چیف منسٹر کے چندر شیکھر راؤ پر مبینہ طور پر تنقید کرنے کے الزام میں 40 صحافیوں اور یوٹیوبرز (یو ٹیوب مواد تخلیق کرنے والوں) کو حراست میں لیا ہے۔
یہ یوٹیوب تخلیق کار اپنے پلیٹ فارم پر خبریں نشر کرتے ہیں اور سیاست پر بھی تبادلہ خیال کرتے ہیں۔
دی نیوز منٹ کی رپورٹ کے مطابق ان میں سے کئی تخلیق کاروں نے صحافی ہونے کا دعویٰ کیا ہے۔ ان کی ساکھ پر سوال اٹھاتے ہوئے پولیس نے کہا کہ ان کے پاس خبر نشر کرنے کے لیے محکمہ اطلاعات اور تعلقات عامہ سے کوئی اجازت نہیں ہے۔
تاہم دی وائر نے ابھی تک اس بات کی تصدیق نہیں کی ہے کہ انہیں پولیس نے اپنی تحویل میں لے لیا ہے۔
تلنگانہ میں ایسی کئی مثالیں سامنے آئی ہیں جہاں حکمراں حکومت نے سوشل میڈیا پلیٹ فارمز پر حکومت پرتنقیدی تبصرہ کرنے والے صحافیوں کے خلاف کریک ڈاؤن کیا ہے۔
اس تازہ ترین کارروائی کے بارے میں مواد بنانے والوں کا کہنا ہے کہ انہیں پولیس نے تقریباً 12 گھنٹے کی پوچھ گچھ کے بعد بغیر کسی اطلاع کے غلط طریقے سے حراست میں لے لیا ہے۔ کچھ لوگوں کا الزام ہے کہ پولیس نے ان کے فون بھی ضبط کر لیے اور انہیں فارمیٹ کردیا۔