نئی دہلی:
عام آدمی پارٹی کے دبنگ لیڈر ،دہلی وقف بورڈ کے چیئرمین اوکھلا اسمبلی حلقہ سے ایم ایل اے امانت اللہ خاں کو جان سے مارنے کی دھمکی کاایک ویڈیو سوشل میڈیا پر تیزی سے وائرل ہورہاہے ۔ بتایا جاتاہے کہ دھمکی دینے والا شخص کا نام ملک وکاس شیراوت ہے اور دوارکا کے پاس کسی گاؤں کا رہنے والا ہے۔ محمد عمران نے اپنے ٹوئٹر اکاؤنٹ سے یہ ویڈیو شیئر کیا ہے ۔
انہوں نے اس شخص کا نمبر بھی دیا ہے، جو ٹوئٹ کے مطابق 9315271790 ہے۔ یہ شخص ویڈیو میں کھلے عام امانت اللہ خاں کو گولی مارنے کی دھمکی دیتا ہوا نظر آتا ہے۔ محمد عمران نے دہلی پولیس سے فوری ایکشن لینے کی اپیل کی ہے تاکہ غیر سماجی عناصر ماحول خراب نہ کرسکیں۔ ٹوئٹر پر اس ویڈیو کو لے کر بحث بھی چھڑ گئی ہے۔ ویڈیو میں یہ شخص نازیبا زبان اور گالیاں دیتے دیکھا جارہاہے جس سے لوگوں مںی بہت غم وغصہ ہے ۔
دریں اثناء امانت خاں نے اس پر کسی رد عمل کا اظہار نہیں کیا۔لوگوں کا کہنا ہے کہ ایسی واہیات باتوں پر رد عمل نہ دے کر انہوں نے اچھا کیا لیکن اس شر انگیزی پر کارروائی ہونی چاہئے۔