نئی دہلی:
کانگریس کے سینئر رہنما اور اوکھلا کے سابق ممبر اسمبلی آصف محمد خان نے معروف نوجوان جرنلسٹ فرحان یحییٰ پر الزام لگایا کہ انہوں نے اپنے بھتیجے کے نام دہلی وقف بورڈ سے دو دکانیں الاٹ کرائی ہیں،اسی لیے وہ چیئرمین کے خلاف نہیں بولتے۔ روہنگیائی مہاجرین کی حقیقت نہیں دکھاتے،ان کے الزام پر سوشل میڈیا میں کافی ہلچل ہے۔ یوزرس کا کہنا ہے کہ آصف محمد خاں کو الزام کے حق میں ٹھوس ثبوت پیش کرنا چاہیے،تاکہ عوام کے سامنے سچائی آئےورنہ ان کو معافی مانگنی چاہیے،ٹوئٹر اور فیس بک پر لوگ اپنا ردعمل ظاہر کر رہے ہیں۔
خود فرحان یحییٰ نے ویڈیو جاری کرکے تفصیل کے ساتھ اپنا موقف پیش کیا ہے۔ انہوں نے کہا ہے کہ آصف صاحب سے میرے گھر کے ساتھ دیرینہ روابط ہیں مگر الزام لگانے سے پہلے کچھ نہیں پوچھا اور نجی حملے کیے۔انہوں نے چیلنج کیا کہ وہ اپنے الزامات کو ثابت کریں۔ ٹھوس ثبوت پیش کریں ورنہ معافی مانگیں۔فرحان نے آگے کہا کہ دکانیں الاٹ کرانا تو دور انہوں نے آج تک دہلی وقف بورڈ سے ایک پائی کا فائدہ نہیں اٹھایا،وہ ایسے الزام سے گھبرانے والے نہیں ،اسی بے خوفی سے عوام کے مسائل اٹھاتے رہیں گے،خواہ کوئی زد میں آئے۔ان کی زندگی آئینہ کی طرح صاف ہے ۔