ممبئی :(ایجنسی)
آرکیالوجیکل سروے آف انڈیا (اے ایس آئی) نے مہاراشٹر میں مغل بادشاہ اورنگزیب کے مقبرے کو پانچ دنوں کے لیے بند کر دیا ہے۔ علاقے کی مسجد کمیٹی نے بھی اس جگہ پرتالے لگانے کی کوشش کی تھی۔ دو دن پہلے راج ٹھاکرے کی مہاراشٹر نونرمان سینا (ایم این ایس) کے ترجمان گجانن کالے نے ایک ٹویٹ میں ریاست میں اس مقبرے کے وجود کی ضرورت پر سوال اٹھایا تھا اور کہاتھا کہ اسے تباہ کر دیا جانا چاہیے۔ بعد میں، اورنگ آباد کے خلد آباد علاقے میں ایک مسجد کمیٹی نے، جہاں مقبرہ واقع ہے، اس یادگار کو بند کرنے کی کوشش کی، جو اے ایس آئی کی حفاظت میں ہے۔ اس کے بعد اے ایس آئی نے میموریل پر اضافی سیکورٹی گارڈز تعینات کر دیے تھے۔
رابطہ کرنے پر اے ایس آئی کے اورنگ آباد سرکل سپرنٹنڈنٹ ملن کمار چاولے نے کہا کہ پہلے مسجد کمیٹی نے اس جگہ کو تالا لگانے کی کوشش کی، لیکن ہم نے اسے کھول دیا۔ اب ہم نے اگلے پانچ دنوں کے لیے مزار کو بند رکھنے کا فیصلہ کیا ہے۔
اہلکار نے کہا، ’ہم صورتحال کا جائزہ لیں گے اور پھر اسے کھولنے یا اگلے پانچ دنوں کے لیے بند رکھنے کا فیصلہ کریں گے۔‘اے آئی ایم آئی ایم لیڈراکبر الدین اویسی کی اس مہینے کی شروعات میں مقبرے پر حاضری دی تھی ریاست میں برسراقتدار شیوسینا کے ساتھ ساتھ راج ٹھاکرے کی قیادت والی مہاراشٹر نونرمان سینا (ایم این ایس ) نے تنقید کی ۔ اویسی کے مقبرے پر حاضری کے کچھ دنوں بعد این سی پی سربراہ شرد پوارنے کہا تھا کہ کیا اس طرح کے عمل کامقصد مہاراشٹر میں ایک نیا تنازع پیدا کرنا ہے جہاں امن قائم ہے ۔