نئی دہلی :
گزشتہ سال 23 مارچ سےمرکز بندہے،عدالت نے نظام الدین مرکز میں 50 افراد کو رمضان میں 5 وقتہ نماز پڑھنے کی اجازت دی ہے ۔ دہلی ہائی کورٹ نے کہا ہے کہ رمضان المبارک کے مہینے میں حضرت نظام الدین مرکز میں ایک وقت میں 50 افراد نماز ادا کرسکیں گے۔ ہائی کورٹ نےحضرت نظام الدین مرکز میں 50 افراد کو ایک ہی وقت میں نماز پڑھنے کی اجازت دی ہے، لیکن یہ اجازت مقررہ گائیڈلائن اور ایس او پی کے تابع ہوگی۔ عدالت نے یہ فیصلہ دہلی وقف بورڈ کی درخواست پر دیا ہے۔ مرکز گزشتہ سال 23 مارچ سے بند ہے۔ دہلی ہائی کورٹ اگلے 16 جولائی کو کیس کی سماعت کرے گی۔
اہم بات یہ ہے کہ دہلی ہائی کورٹ سے تبلیغی مرکز کو کھولنے کے لئے جاری سماعت کے دوران دہلی وقف بورڈ کو پچھلے مہینے ایک بڑی کامیابی ملی، جب عدالت نے شب برأت اور رمضان کو دیکھتے ہوئے کہا کہ تبلیغی جماعت کا مرکز (حضرت نظام الدین مرکز) کا تالا کھولنے کی اجازت دے دی تھی۔
عدالت نے دہلی وقف بورڈ کے وکلا کی یہ درخواست قبول کرنے کی اجازت دی کہ مسلمان خاص طور پر رمضان کے مقدس مہینے میں جلد ہی نماز ادا کریںگے۔ یہ بات قابل ذکر ہے کہ گذشتہ سال مارچ کے مہینے میں انتظامیہ نے کورونا کی وبا کا حوالہ دیتے ہوئے تبلیغی مرکز پر تالا بندی کردی تھی۔