نئی دہلی:دہلی ہائی کورٹ نے کورونا وائرس سے ہونے والی اموات کی خبریں نیوز چینلوں پر نشر کرنے پر روک سے متعلق عرضی پیر کو خارج کردی للت والیچا نے عدالت میں ایک عرضی پیش کرکے کہا تھا کہ کورونا وائرس کی دوسری لہر جب سے آئی ہے تب سے نیوز چینل نیوز آرٹیکل اور دیگر پروگراموں کے ذریعہ بہت منفی تصاویر اور خبریں نہایت غیرذمہ دارانہ طریقہ سے نشر کررہے ہیں۔
چیف جسٹس ڈی این پٹیل اور جج جسمیت نے کہاکہ کورونا انفیکشن کی وجہ سے ہونے والی اموات کی معلومات دینا منفی خبریں نہیں ہے۔ اس کے بعد دونوں نے یہ عرضی خارج کردی۔عدالت نے کہاکہ جب خبریں صحیح ہوں گی ان پر کوئی روک نہیں لگائی جاسکتی۔