نئی دہلی:
پچھلے کئی مہینوں سے دہلی کی سرحدوں پر آندلن کررہے کسان تنظیموں نے پانچ ریاستوں کے انتخابات سے پہلے اعلان کیا تھا کہ وہ بی جے پی کو ہرانے کے لیے لوگوں سے اپیل کریں گے اور مرکز کی اصلیت لوگوں کو بتائیں گے۔ اب مغربی بنگال میں بی جے پی کی ہار کے بعد سنیکت کسان مورچہ نے انتباہ دیا ہے کہ اگر سرکار نہیں مانی تو یوپی میں ہرائیں گے۔ بھارتیہ کسان یونین کے لیڈر رکیش ٹکیت نے کہاکہ اس کے لیے گاؤں -گاؤں جا کر لوگوں سے ملاقات کریں گے۔
اتر پردیش میں آئندہ سال کی شروعات میں انتخابات ہونے والے ہیں۔ اس دوران بی جے پی کو سخت ٹکر دینے کے لیے کسان تنظیموں نے کمر کس لی ہیں۔ تنظیموں کا کہنا ہے کہ بنگال میں ممتا بنرجی کی جیت میں ان کا اہم رول تھا۔ ان کی اپیل پر ہی وہاں کے عوام نے بی جے پی کو اقتدار سے دور رکھا ہے۔ کسان تنظیموں کا کہنا ہے کہ بی جے پی غریب اور کسان مخالف ہے۔ ان کہنا ہے کہ وہ پانچ مہینے سے دھرنے پر بیٹھے ہیں لیکن سرکار ان کی بات نہیں سن رہی ہے۔
بھارتیہ کسان یونین کے رہنما راکیش ٹکیت نے کہا کہمغربی بنگال کی شکست کے ساتھ ، حکومت کو سمجھنا چاہئے کہ کسان تنظیمیں حکومت سے بات کرنے کے لئے تیار ہیں ، حکومت کو تینوں زرعی قوانین کو تاخیر کے بغیر منسوخ کرنا چاہئے۔ اس کے ساتھ ہی کم از کم سپورٹ پرائس (ایم ایس پی) پر خریداری کی ضمانت کے لئے ایک نئے قانون کا اعلان کیا جانا چاہئے۔