ہری دوار:
کورونا وبا کے زبردست انفیکشن کے درمیان ہری دوار میں کمبھ کا میلہ جاری ہے۔ اس میلے میں پہنچے لاکھوں لوگوں کی بھیڑ کو سنبھالنے کے لئے راشٹریہ سویم سیوک سنگھ کے رضاکاروں کو ڈیوٹی پر لگایا ہے۔ حالانکہ انہیں اس کام کے لئے کوئی تنخواہ نہیں دی جائے گی کیونکہ یہ بطور سماج کی خدمت کی جارہی ہے۔
سنگھ کے ان رضاکاروں کواتراکھنڈ کی پولیس نے اسپیشل پولیس آفیسر (ایس پی او) کا درجہ دیا ہے اور یہ پہلا موقع ہے۔ ’دی انڈین ایکسپریس ‘کے مطابق ایسے 1,553 رضاکار موجود ہیں۔ ان میں سے 1,053 رضاکار میدان میں کام کر رہے ہیں جبکہ باقی بیک اپ کے کام میں مصروف ہیں۔
یہ رضاکار ہری دوار شہر، ریلوے اسٹیشن ، اتر پردیش سے ملحقہ رشی کیش ، ٹہری ، پوڑی اور ہری دوار ضلع کی سرحدوںپرڈیوٹی دے رہے ہیں۔ ایک جگہ پر چھ رضا کاروں کو تعینات کیا گیا ہے۔
کمبھ میلہ کے ایس پی بیریندر پرساد ڈبرال نے کہا کہ یہ پہلا موقع نہیں ہے جب سنگھ کے رضاکار کمبھ میں ایسا کام کررہے ہیں ، ماضی میں انہوں نے اس طرح کی ڈیوٹی سرانجام دے چکے ہیں لیکن یہ پہلا موقع ہے کہ انھوں نے ایس پی او کا کارڈ دیا گیا ہے۔ ڈبرال نے کہا کہ وہ ٹریفک اور بھیڑ کو سنبھالنے کے لئے بہتر کام کر رہے ہیں۔
انہوں نے کہا کہ سنگھ کے علاوہ ،کئی دیگر تنظیمیں جیسے کانگریس سیوا دل کے کارکنوں کو بھی ایس پی او کا درجہ دیا گیا ہے۔
یہ سویم سیوک اپنییونیفارم پہن کرڈیوٹی کررہے ہیں اور لوگوںکو بہترڈھنگ سے ماسک پہننے سے لے کر کورونا پروٹوکول کے قواعد پر عمل کرنے کو کہتے ہیں اور خود بھی ان اصولوں پر عمل کرتے ہیں۔یہ رضاکار 7 اپریل سے تعینات ہیں اور وہ صبح 8 سے شام 8 بجے کی شفٹ میں ان کے لئے طے شدہ جگہوں پر کام کرتے ہیں۔
سنگھ کے اتراکھنڈ صوبے کے باڈی چیف سنیل نے دی انڈین ایکسپریس کو بتایا کہ رضاکاروں کی تعیناتی کمبھ میلہ کے آئی جی سنجے گنجیال کی کوشش پر کی گئی ہے۔ انہوں نے کہا کہ گنجیال مارچ سے سنگھ سے رابطے میں تھے اور انہوں نے کمبھ میلے میں رضاکاروں کا مطالبہ کیا تھا۔
سنیل نے کہا کہ انہوں نے اس معاملے میں ریاست کے تمام اضلاع میں سنگھ یونٹوں کو ایک خط لکھا ہے اور ان سے کہا ہے کہ وہ 18 سے 50 سال کی عمر کے ایسے رضاکاروں کے بارے میں معلومات دیں جو کمبھ میلے میں کچھ کام کرنا چاہتے ہیں۔ اس کے بعد سنیل نے آئی جی سنجے گنجیال سے ملاقات کی اور دو اضافی پولیس ایس پی نے اس کام کے لئے ہمارے رضاکاروں کا انتخاب کیا۔ انہوں نے کہا کہ یہ پہلا موقع ہے جب سنگھ کے رضاکاروں کو ایس پی او تعینات کیا گیا ہے۔
واضح رہے کہ کورونا کے اس مہاماری میں شاہی اشنان 12 سے 14 اپریل تک ہوا۔ اس میں لاکھوں افراد جمع ہوئے اور ریاستی حکومت پر شدید تنقید کی گئی کیوں کہ کئی جگہوں پر سماجی دوری صفر ہے ، ماسک لاپتہ ہیں اور لاکھوں کی بھیڑ میں سینیٹائزر تک پہنچنا تقریبا ًناممکن ہے۔