نئی دہلی :
ٹی وی چینل ’آج تک ‘ پر ڈبیٹ کے دوران اینکر چترا ترپاٹھی کہنے لگیں کہ گزشتہ بیس دنوں کا جو اعداد وشمار ہے وہ توسامنے رکھ دیا گیا ہے ۔ پھر آپ لوگ اتنا ہنگامہ کیوں کررہے ہیں؟ اس پر کانگریس کے ترجمان کہنے لگے کہ مجھے سمجھ نہیں آرہا ہے کہ آپ بہار کی صور ت حال کے لیے دہلی میں بیٹھے یا اڈیشہ کے رہنے والے ترجمان سے کیوں بات کررہی ہیں اور سب سے زیادہ وقت دے رہی ہیں۔ اس پر سمبت پاترا کہنے لگے کہ میں تو پھر بھی بھارت میں رہتا ہوں ، یہاں تو اٹلی والے بھارت کی بات کرتے ہیں۔ اس پر بھڑکتے ہوئے کانگریس ترجمان کہنے لگے کہ آپ غنڈہ کی طرح کیوں بات کررہے ہیں ؟ بہار میں کورونا سے ہونے والی اموات کا اعدادوشمار لاکھوں میں ہے۔
بتادیں کہ بھارت میں ایک دن میں کووڈ 19-کے 94,052نئے معاملے سامنے آنے کے بعد ملک میں انفیکشن کی تعداد بڑھ کر 2,91,83,121ہوگئی ہے۔ وہیں بہار میں اموات کی تعداد کو جوڑنے کے بعد ملک میں 24 گھنٹے میں انفیکشن سے موت کے 6,148معاملے سامنے آئے۔ جس سے موتوں کی تعداد بڑھ کر 3,59,676ہوگئی۔ عالمی وبائی کے قہر کی شروعات سے لے کر ابھی تک ایک دن میں انفیکشن سے موت کے یہ سب سےزیادہ معاملے سامنے آئے ہیں۔
مرکزی وزارت صحت کی جانب سے جاری کردہ اعداد وشمایر کے مطابق بہار نے اپنے اعدادوشمار کاایک بارپھر تجزیہ کیا اور انفیکشن سے ریاست میں 9,429لوگوں کی موت کی تصدیق کی گئی ہے۔ ملک میں زیر علاج مریضوں کی تعداد اب 11,67,952 رہ گئی ہے ، جو کہ کیسوں کا چار فیصد ہے۔ پچھلے 24 گھنٹوں کے دوران زیر علاج مریضوںکی مجموعی تعدادکےمعاملے میں 63,463 کمی واقع ہوئی ہے۔