میانمار کی شیڈو حکومت نے ملک پر قابض فوجی جنتا کو ہٹانے کے لیے روہنگیا مسلمانوں سے مدد مانگ لی۔ مدد کے بدلے اقلیتی روہنگیا مسلمانوں کو میانمار میں دوبارہ آباد کرنے اور مکمل شہریت دینے کا وعدہ کیا گیا ہے۔
متحدہ قومی حکومت نامی یہ شیڈو گروپ سابق وزیر اعظم آنگ سان سُوچی کی سیاسی جماعت کے کئی بے دخل ارکان اسمبلی پر مشتمل ہے۔
شیڈو حکومت نے روہنگیا مسلمانوں کو فوجی آمریت کے خلاف انقلابِ بہار میں ساتھ دینے کی دعوت دی ہے۔
اس وقت ساڑھے 7 لاکھ روہنگیا ملک سے باہر پناہ گزین ہیں اور تقریباً 6 لاکھ ملک کے شمالی علاقے میں کیمپوں تک محدود ہیں۔