گوہاٹی :
آسام سرکار نے کورونا کی صورت حال کے پیش نظر پیر کو نئی گائڈ لائن کی ہے۔ اس کے مطابق5 اضلاع میں مکمل کرفیو کااعلان کیا گیا ۔ یہ 20جولائی صبح 5 بجے سے نافذ العمل ہوگا۔ اس کے علاوہ مسجد میں امام سمیت صرف 5 لوگوں کو نماز ادا کرنے کی اجازت ہوگی
آسام کے چیف سکریٹری جشنو بڑوا نے حکم جاری کرکے کہا کہ گولا گھاٹ، جوہر ہاٹ، لکھیم پور ، سونیت پور اور وشوناتھ میں مکمل کرفیو رہے گا۔ یہ شہری اور گرامین دونوں علاقوں میں آئندہ حکم تک جاری رہے گا۔
اس کے علاوہ دھوبری ، کامروپ ، سلمارہ ، ماجولی ، بنگائی گاؤں ،چیرانگ ، ادلگوری ، کربی انگونگ ،دما ہاساؤ، چرائی دیو، ہیلاکنڈی، ڈبرو گڑھ ، شیوساگر ، کوکراجھار ، بارپیٹا ، نالبری ، بکسہ ، باجالی ، ہوجئی ، دھوماجی ، کریم گنج میں شام 5 بجے سے صبح 5 بجے تک کرفیو رہے گا۔ ان مقامات پر گزشتہ کچھ دنوں میں پازیٹیو شرح میں کچھ بہتری آئی ہے ۔
جن 5 اضلاع میں پازیٹیو شرح زیادہ ہے،وہاں تمام دکانیں ، دفتر ،بزنس ادارے ، گروسری شاپ، پھل، سبزی، ڈیری، ملک بوتھ، ریستوراں، دھابہ، شو روم، کولڈ اسٹوریج، ویئر ہاؤس اگلے حکم تک بند رہیں گے۔ وہیں جن اضلاع میں پازیٹیو شرح میں بہتر آئی ہے ، وہاں دوپہر 12 بجے تک دکانیں، مارکیٹ اوردیگر ادارے کھولے جا سکیں گے ۔ وہیں جہاں پازیٹیو شرح بہتر ہوئی ہے ، وہاں بازاریں شام 4 بجے تک کھولے جاسکیں گے ۔
اس کے علاوہ 5 اضلاع میں پبلک اور پرائیویٹ ٹرانسپورٹ بھی بند رہے گا، حالانکہ ، مال بردار گاڑیوں کی آمد ورفت جاری رہے گی۔ وہیں دیگر اصلاع میں تمام پبلک ٹرانسپورٹ میں کورونا گائڈ لائنس پر عمل آوری کرنا لازمی ہوگا۔
مکمل کرفیو والے اضلاع میں لوگوں کے جمع ہونے پر پوری طرح سے پابندی رہے گی۔ وہیں دیگر ضلع میں شادی یا آخری رسومات میں 10 لوگ شامل ہوسکیں گے ۔
عوامی مقامات پر ماسک لازمی ہے۔ ریاست میں شراب کی غیر قانونی پیداوار اور فروخت کے خلاف بھی کارروائی کی جائے گی۔
ریاستی حکومت نے لوگوں سے گھر پر رہ کر بقرعید منانے کی اپیل کی ہے۔ تاہم ، صرف 5 افراد کو پیش امام سمیت مسجد میں جانے کی اجازت ہے۔