نعمت شفیق کولمبیا یونیورسٹی کی صدر منتخب، ادارے کی268سالہ تاریخ میں پہلی مسلم خاتون

نعمت شفیق کولمبیا یونیورسٹی کے صدر کا عہدہ سنبھالنے جا رہی ہیں کیونکہ اس باوقار ادارے کی اس عہدے کی تلاش کا عمل اختتام کو پہنچ گیا ہے۔ واضح رہے کہ لی سی بولنگر کی جانب سے 2022-2023 تعلیمی سال کے اختتام پر عہدہ چھوڑنے کے اعلان کے بعد نعمت شفیق یہ عہدہ سنبھالیں گی۔ نعمت شفیق کی پیدائش مصر کے سکندریہ میں ہوئی تھی۔واضح رہے نعمت شفیق جو کولمبیا یونیورسٹی کے 20 ویں صدر بننے والی ہیں، وہ ایک ماہر معاشیات ہیں۔ ان کے کیریئر نے عوامی پالیسی اور اکیڈمی پر توجہ مرکوز کی ہے۔ وہ یکم جولائی کو یہ کردار ادا کریں گی، یونیورسٹی کی 268 سالہ تاریخ میں اس عہدے پر فائز ہونے والی وہ پہلی خاتون بنیں گی۔

نعمت شفیق نے یونیورسٹی آف میساچوسٹس ایمہرسٹ میں اپنا گریجویشن مکمل کیا۔ انہوں نے بعد میں لندن اسکول آف اکنامکس اینڈ پولیٹیکل سائنس سے ایم ایس سی مکمل کیا۔ انہوں نے آکسفورڈ یونیورسٹی سے ڈی فل بھی کیا ہے۔ 36 سال کی عمر میں نعمت شفیق ورلڈ بینک میں اب تک کے سب سے کم عمر نائب صدر تھیں۔ وہ بین الاقوامی مالیاتی فنڈ (آئی ایم ایف) میں ڈپٹی مینیجنگ ڈائریکٹر کے طور پر بھی کام کر چکی ہیں۔ نعمت شفیق نے لندن اسکول آف اکنامکس میں متعدد بورڈز میں خدمات انجام دیں اور ان کی سربراہی کی