نئی دہلی :(ایجنسی)
فوج میں بھرتی کے لیے حکومت کی طرف سے لائی گئی ’اگنی پتھ‘ اسکیم کو لے کر ان دنوں کافی ہنگامہ ہو رہا ہے۔ دریں اثناء حیدرآباد کے ایم پی اور اے آئی ایم آئی ایم کے سربراہ اسد الدین اویسی نے مودی حکومت پر کئی سوالات اٹھائے ہیں۔ اس دوران انہوں نے اگنی پتھ اسکیم کے بعد تشدد پر ہونے والی کارروائی اور نوپور شرما کے گزشتہ ہفتے پیغمبر اسلام کے بارے میں کیے گئے تبصرے پر جمعہ کی نماز کے بعد پتھراؤ کا موازنہ بھی کیا۔
انہوں نے کہا کہ مودی حکومت کے غلط فیصلوں کی وجہ سے آج ملک کے نوجوان سڑکوں پر ہیں۔ بلڈوزر سے کتنے گھر توڑو گے؟ ہم نہیں چاہتے کہ کسی کے گھر پر بلڈوزر چلیں۔ تمہیں گھر توڑنے کا کوئی حق نہیں۔
اویسی نے مزید کہا کہ میں وارانسی کے پولیس کمشنر سے پوچھنا چاہتا ہوں کہ کل میڈیا سے بات کرتے ہوئے انہوں نے کہا کہ یہ ہمارے بچے ہیں، انہیں سمجھانے کی ضرورت ہے۔ جو بچے مسلمانوں کے ہیں وہ آپ کےنہیں ہیں۔ آپ انہیں بلا کر نہیںسمجھائیں گے کہ تملوگ ایسا کیوں کیا۔ اگر تم لوگوں کو تکلیف تھی، توہم سے آکر کہتے، ہم شکایت درج کرکے کارروائی کریں گے ۔ کیا مسلمانوں کے بچے آپ کے نہیں ہیں۔ کب تک آپ اس طرح کے بیان دیتے رہیں گے ۔
اسدالدین اویسی نے ایک بار پھر سے نوپور شرما کی گرفتاری کا مطالبہ کیا ہے۔ ANI کے مطابق، اسدالدین اویسی نے کہا کہ انہیں یقین ہے کہ بی جے پی نوپور شرما کو 6-7 ماہ میں پھر سے واپس لے کر آئے گی اور ایک بڑے لیڈر کے طور پر پیش کرے گی۔ انہیں دہلی میں وزیر اعلیٰ عہدے کا دعویدار بھی بنایا جاسکتا ہے۔
حیدرآباد میں یونائٹیڈ ایکشن فورم کی طرف سے منعقدہ اجلاس میں نوپور شرما اور نوین کمار جندل کے خلاف کارروائی نہ کرنے کا الزام لگاتے ہوئے بی جے پی کے خلاف ایک مذمتی قرار داد بھی منظور کی گئی۔
پیغمبر محمد صلی اللہ علیہ وسلم سے متعلق توہین آمیز بیان پر بی جے پی سے معطل نوپور شرما کے بارے میں اسدالدین اویسی نے کہا کہ ان محترمہ کے خلاف ہندوستان کے قانون اور آئین کے مطابق کارروائی کی جانی چاہئے۔ گرفتار کیا جانا چاہئے۔ نوپور شرما کے خلاف پہلا ایف آئی آر حیدرآباد میں درج ہوا۔ میں پولیس سربراہ اور ریاست کے وزیر اعلیٰ سے کہنا چاہوں گا کہ اپنی پولیس کو دہلی بھیجیں اور محترمہ (نوپور شرما) کو لے کر آئیں۔ صرف ایف آئی آر سے کیا ہوگا؟ کچھ تو کرو۔ کم ازکم یہ تو کہو کہ تم اسے لانے کے لئے دہلی جا رہے ہو۔
اسدالدین اویسی نے مزید کہا کہ جب بھی کوئی وزیر اعظم مودی، یوگی آدتیہ ناتھ، ممتا بنرجی کے خلاف کچھ بھی کہتا ہے تو اسے گرفتار کرلیا جاتا ہے، لیکن جب کوئی پیغمبر محمد صلی اللہ علیہ وسلم کے خلاف کچھ کہتا ہے تو آپ اسے گرفتار نہیں کریں گے، کیوں؟ انہوں نے بی جے پی پر نوپور شرما کو بچانے کا الزام لگایا۔ انہوں نے کہا کہ مجھے یقین ہے کہ وہ (نوپور شرما) کو 6-7 ماہ میں پھر سے واپس لے کر آئے گی اور ایک بڑے لیڈر کے طور پر پیش کیا جائے گا۔ انہیں دہلی میں وزیر اعلیٰ عہدے کا دعویدار بھی بنایا جاسکتا ہے۔
ہندوستان ٹائمس کے مطابق، پی ایم مودی کے ذریعہ اپنی ماں کے 100ویں یوم پیدائش پر بلاگ میں اپنے بچپن کے دوست عباس کا ذکر کرنے پر اویسی نے کہا کہ عباس بھائی کو بلاؤ اور انہیں اویسی کی تقریر سناؤ، پھر ان سے پوچھو کہ میں جو کہہ رہا ہوں، وہ صحیح ہے یا غلط؟
اسدالدین اویسی نے اگنی پتھ اسکیم کو لے کر بھی وزیر اعظم مودی پر تنقید کی۔ الزام لگایا کہ پی ایم مودی نے غلط فیصلہ لیا ہے، جس کی وجہ سے نوجوان سڑکوں پر آگئے ہیں۔ انہوں نے ملک کے نوجوانوں کو برباد کرنے کا ایک طریقہ تلاش کیا ہے۔ اب آپ ان کے گھر کو گرانے کے لئے کتنے بلڈوزر کا استعمال کریں گے۔ ہم نہیں چاہتے کہ آپ کسی کا گھر تباہ کریں۔ اویسی نے بلڈوزر کے استعمال کے لئے یوپی حکومت کی بھی تنقید کی۔