نئی دہلی :
کووی شیلڈ ویکسین بنانے والی کمپنی سیرم انسٹی ٹیوٹ آف انڈیا کے سربراہ ادار پونےوالا نے کہا ہے کہ اگر میں نے سچ بول دوں تو میری گردن اڑا دی جائے گی۔ادار اس وقت اپنی اہلیہ اور بچوں کے ساتھ لندن میں ہیں۔ ان کے بارے میں طرح طرح کی چرچا ہے۔ سوشل میڈیا میں تووہ اس وقت ولن بنے ہوئے ہیں اور جم کر ان پر سخت لعنت کی جارہی ہے۔
گردن اڑائے جانے والی بات انہوں نے کل لندن میں وہیں کہ ایک اخبار کے ساتھ بات چیت کے دوران کہی۔ اخبار کا سوال تھا کہ ان کی نظر میں کووڈ کی وجہ سے بھارت میں پیدا حالات کے لیے کون ذمہ دار ہے۔ اسی کے جواب میں پونے والا نے کہاکہ اگر میں صحیح جواب دے دوں یا کوئی بھی جواب دے دوں تو میری گردن اڑا دی جائے گی۔ میں انتخابات یا کمبھ میلے پر کوئی تبصرہ نہیں کرسکتا۔ یہ بہت حساس بات ہے۔ مجھے نہیں لگتا کہ بھگوان بھی یہ پیش گوئی کرنے میں قاصر تھے کہ حالات اتنے خراب ہوجائیں گے۔
گفتگو کے دوران اپنے واپس لوٹنے کو لے کر انہوں نے دو طرح کی بات کی۔ ایک بار تو وہ بولے کہ پونے میں پروڈکشن زور وشور سے جاری ہے۔کچھ دن میں بھارت جاؤںگا تو کام کاجائزہ لوںگا۔ اس بیان میں انہوں نے کچھ دن کا مطلب نہیں کھولا لیکن آگے کی بات چیت میں جب انہوں نے مل رہی دھمکیوں کی بات کہی تو وہ بولے وہ لمبے عرصے تک لندن میں رہیں گے کیونکہ لوٹ کر وہ کسی ’ پوزیشن ‘میں پھنسنا چاہتے۔
انہوں نے کہا کہ ہندوستان میں سیاسی قائدین اور ’پاور فل لوگ‘انہیں جلد سے جلد ویکسین دینے کی دھمکی دے رہے ہیں۔ انہوں نے کہاکہ یہ لوگ جو کررہے ہیں اس کے لیے دھمکی چھوٹا لفظ ہے۔ میرے پاس بھارت کچھ ان لوگوں کے فون آتے ہیں جو بھارت کے سب سے طاقتور لوگوں میں گنے جاتے ہیں۔ ان میں وزیر اعلیٰ اوربڑے صنعتی گھرانے کے سرابرہ بھی شامل ہے۔