نئی دہلی :
دہلی میں نائٹ کرفیو پہلے سے ہی نافذ ہے، لیکن کیجریوال سرکار کے نئے اعلان کے بعد اب ویک اینڈ کرفیو بھی نافذہے۔ جمعہ کی رات دس بجے سے نافذ ہونے والا یہ کرفیو پیر کی صبح چھ بجے تک جاری رہے گا۔ آج پہلے ویک اینڈ کرفیو کا پہلا دن ہے۔ ویک اینڈ کرفیو آنے والے دنوں میں بھی اسی طرح ہی جاری رہے گا جب تک کی کوئی نیا حکم نہیں آجاتا ہے۔
ادھرکورونا کے بڑھتے ہوئے معاملات کے پیش نظر دہلی کے وزیر اعلیٰ اروند کیجریوال نے آج ایک جائزہ میٹنگ بلائی ۔ اس میٹنگ میں کووڈ 19-مینجمنٹ کے لیے نوڈل وزیر منیش سسوڈیا ، وزیر صحت ستیندر جین اور دیگر اہم عہدیدار شامل ہوئے۔ موصولہ اطلاع کے مطابق کجریوال سہ پہر 2 بجے ضلع مجسٹریٹوں اور ایم سی ڈی کمشنرز کے ساتھ ایک ویڈیو میٹنگ کی۔
اس بات کا بھی امکان ہے اگر ویک اینڈ کرفیو سے کورونا کیسز کو کم نہیں کیا گیا تو جلد ہی مکمل لاک ڈاؤن دہلی میں نافذ کیا جاسکتا ہے۔ اس سے قبل دہلی کے وزیر اعلیٰ اروند کیجریوال نے کہا تھا کہ دو اہم باتیں خاص طور سے کہی ہے ، ایک یہ ہے کہ لاک ڈاؤن اس کا حل نہیں ہے ، اور یہ کہ معاملات بند نہ ہوئے تو لاک ڈاؤن پر غور کیا جاسکتا ہے۔ دہلی میں جس طرح سےکیسز اتنی تیزی سے بڑھ رہے ہیں ، ایسا لگتا ہے کہ دہلی حکومت کے مطابق دوسرے آپشن کے بارے میں سوچنے میں زیادہ وقت نہیں لگے گا۔
ہریانہ: 30 اپریل تک اسکول اور کالج بند ، نئی ہدایات جاری
ہریانہ حکومت نے کووڈ19 کے پھیلاؤ کو روکنے کے لئے نئی گائڈ لائن کا اعلان کیا، جس میں 30 اپریل تک اسکول ، کالج اور کوچنگ انسٹی ٹیوٹ بند رکھنے اور گاڑیوں میں سفر اور پروگرام میں لوگوں کی تعداد کو محدود کرنے کا حکم دیا گیا ہے۔
افسران نے بتایا کہ تمام اسکول ، کالج ، کوچنگ انسٹی ٹیوٹ ، صنعتی تربیتی سینٹر ، لائبریری اور ٹریننگ ادارے چاہے سرکاری ہوں یا نجی ، 30 اپریل تک بند رہیں گے۔ اسکولوں میں داخلے کا عمل اور دیگر انتظامی کام پہلے کی طرح جاری رہیں گے۔
وزیر اعلیٰ منوہر لال کھٹر نے کووڈ -19 کی موجودہ صورتحال کے حوالے سے ریاست کے عوام سے خطاب کیا۔ انہوں نے لوگوں کو یقین دلایا کہ گھبرانے کی ضرورت نہیں ہے ، لیکن انہوں نے کہا کہ جیسے جیسے معاملات بڑھتے جارہے ہیں ، نگرانی بڑھانے کی ضرورت ہے۔ دریں اثنا مستحکم رہنما خطوط میں ریاستی حکومت نے کہا کہ عوامی مقامات پر ماسک پہننا لازمی ہے۔
ملک میں کورونا کے 2.34 لاکھ نئے معاملے
ملک میں کورونا وائرس (کووڈ ۔19) وبا کے قہر میں روز بروز تیزی سے اضافہ ہورہا ہے اور گذشتہ 24 گھنٹوں کے دوران ، ملک کے مختلف حصوں میں 2.34 لاکھ نئے کیس درج ہوئے ہیں۔ہفتہ کی صبح مرکزی وزارت صحت کی جانب سے جاری کردہ اعداد و شمار کے مطابق گذشتہ 24 گھنٹوں کے دوران ملک میں 234692 نئے کیس درج ہوئے۔ اس کے ساتھ ہی متاثرہ افراد کی تعداد ایک کروڑ 45 لاکھ 26 ہزار 609 ہوگئی ہے۔ وہیں اس دوران ریکارڈ 123354 مریض صحتمند بھی ہوئے ہیں جنہیں ماکر اب تک 12671220 مریض کورونا نجات پا چکے ہیں۔ ملک میں کورونا کے سرگرم معاملے 16 لاکھ کو عبور کرکے 1679740 ہوچکے ہیں۔ اسی دوران مزید 1341 مریضوں کی موت کے ساتھ ، اس بیماری سے اموات کی تعداد بڑھ کر 175649 ہوگئی ہے۔
ملک میں شفا یابی کی شرح 87.23 فیصد اور فعال کیسوں کی شرح 11.56 فیصد ہوگئی ہے، جبکہ اموات کی شرح کم ہوکر 1.21 فیصد رہ گئی ہے۔
مہاراشٹرا کورونا کے فعال معاملات میں سرفہرست ہے اور ریاست میں گذشتہ 24 گھنٹوں کے دوران 17996 فعال معاملات کے اضافے کے ساتھ یہ 639642 ہوگئے ہیں۔ اس دوران ریاست میں مزید 45335 مریض صحتمند ہوئے ، کورونا کو شکست دینے والوں کی تعداد 3004391 تک پہنچ گئی ہے ، جبکہ مزید 398 مریضوں کی ہلاکت کی وجہ سے اموات کی تعداد 59551 ہوگئی ہے۔