نئی دہلی : (ایجنسی)
ٹائم میگزین نے بدھ 15 ستمبر کو 2021 کے 100 بااثر لوگوں کی فہرست جاری کی ہے۔ اس فہرست میں وزیر اعظم نریندر مودی ، مغربی بنگال کی وزیر اعلیٰ ممتا بنرجی ، سیرم انسٹی ٹیوٹ آف انڈیا کے سی ای ادار پونے والا اور طالبان کے شریک بانی ملا عبدالغنی برادر شامل ہیں۔
ٹائم میگزین کی اس فہرست کو دنیا بھر میں کافی بھروسہ مند مانا جاتا ہے ۔ اس فہرست میں ہر انٹری ایڈیٹرس کے ذریعہ کافی ریسرچ کی بعد لی جاتی ہے ۔ بدھ کو جاری ہوئی ٹائم کی 100 با اثر شخصیات کی فہرست میں طالبان کے شریک بانی عبد الغنی برادر بھی شامل ہے ۔ اس کے علاوہ فہرست میں بائیڈن ، کملا ہیرس ، شی جن پنگ اور امریکہ کے سابق صدر ڈونالڈ ٹرمپ کا بھی نام ہے ۔
گزشتہ سال بھی ٹائم میگزین نے دنیا کے 100 با اثر شخصیات کی فہرست میں وزیر اعظم نریندر مودی کو جگہ دی تھی ۔ گزشتہ سال اس فہرست میں شامل ہندوستانیوں میں بالی ووڈ اداکار آیوشمان کھورانہ ، گوگل کے سی ای او سندر پچائی ، ایچ آئی وی پر ریسرچ کرنے والے رویندر گپتا اور شاہین باغ احتجاج میں شامل بلقیس کا بھی نام شامل تھا ۔
پی ایم مودی کے ٹائم پروفائل میں کہا گیا ہے کہ آزادی کے بعد 74 سالوں میں ، ہندوستان میں تین نمایاں لیڈررہےہیں – جواہر لال نہرو ، اندرا گاندھی اور پی ایم مودی۔ ’نریندر مودی تیسرے ہیں ، جو ملک کی سیاست پر حاوی ہیں۔‘
معروف سی این این صحافی فرید زکریا نے ٹائم میگزین کے لیے لکھے وزیر اعظم مودی کے پروفائل میں الزام لگایا ہے کہ پی ایم مودی نے ’’ ملک کو سیکولرازم سے ہندو راشٹر کی جانب دھکیل دیاہے ۔اس نے پی ایم مودی پر’مسلمانوں کے حقوق سلب کرنے‘ اور’صحافیوں کو قید کرنے اور دھمکانے‘ کا بھی الزام لگایا ہے۔
100 بااثر افراد کی فہرست میں ممتا بنرجی کا پروفائل کہتا ہے کہ وہ ’ہندوستانی سیاست میں غصے کا چہرہ بن گئی ہیں۔‘ بنرجی کے بارے میں کہا جاتا ہے کہ وہ اپنی پارٹی ترنمول کانگریس کی قیادت نہیں کرتی ہیں-وہ پارٹی ہے۔اسٹریٹ فائٹر جذبات اور مردوں پر مبنی ثقافت کے ساتھ زندگی گزاری ہے ۔
ٹائم پروفائل نے طالبان کے شریک بانی ملا عبدالغنی برادر کو’ایک پرسکون اور خفیہ لیڈر بتاگیا ہے جو شاذ و نادر ہی عوامی بیانات یا انٹرویو دیتا ہے۔‘ برادر بہرحال طالبان کے اندر ایک اعتدال پسند لیڈر ہے جسے مغربی حمایت کے لیے سرخیوں میں لایا جائے گا۔ اسے فنڈنگ کی اشد ضرورت ہے۔ سوال یہ ہے کہ کیا وہ شخص جس نے امریکیوں کو افغانستان سے نکالا وہ اپنی تحریک پر اثر انداز ہو سکتا ہے؟