لکھنؤ :(ایجنسی )
بین الاقوامی یوگا ڈے کے موقعپر اتر پردیش کے مدرسہ بورڈ نے ریاست کے 16000 مدارس میں یوگا کرنے کا حکم دیا ہے اور کرایا ہے۔
بی بی سی ہندی کی رپورٹ کے مطابق مدرسہ بورڈ کے رجسٹرار جگموہن سنگھ کے مطابق یہ پہلی بار نہیں ہے کہ مدارس میں یوگا کرایا جا رہا ہے بلکہ ضلعی سطح پر پہلے بھی ایسا ہو چکا ہے۔ لیکن اس بار مدرسہ بورڈ نے پوری ریاست میں یوگا کرنے کا حکم جاری کیا ہے۔
وہ کہتے ہیں، ’’یوگا پوری دنیا کے لیے ہندوستان کا تحفہ ہے، اس لیے اپنے ہی معاشرے کے کچھ لوگوں کو اس سے محروم رکھنا مناسب نہیں ہے۔ یوگا مدرسوں میں بھی اسی طرح کیا جاتا ہے جیسے ہم ایک ہفتے سے کر رہے تھے۔ یہ ایک پریکٹس بن گیا ہے۔ مستقبل میں بھی جاری رہے گا، ان کی ذہنی نشوونما ہوگی، ان کا جسم تندرست ہوگا تو اس سے انہیں اپنی پوری صلاحیت کے ساتھ کام کرنے اور مطالعہ کرنے میں مدد ملے گی۔‘‘
مدارس میں پڑھنے والے طلباء کو حاصل ہونے والے فوائد کے بارے میں، وہ کہتے ہیں، ’’یہ ان کے لیے بہتر ہو گا اور جب وہ اپنی پوری صلاحیت کے ساتھ کام کریں گے، تو وہ معاشرے میں اپنا کردار بہتر طریقے سے ادا کر سکیں گے۔‘‘
جگموہن سنگھ نے کہا کہ’’ ہمارا مقصد یہ ہے کہ اگر اتنی بڑی آبادی ملک کی ترقی میں تعاون کرے گی تو ہم حکومت اور حکومت ہند کے مقصد کو حاصل کرنے میں کامیاب ہو جائیں گے۔یوگا ڈے پر ہی نہیں باقی کے دنوں کے لئے بھی ہم حکم جاری کررہے ہیں کہ یہ مدراس میں طلبہ کی سرگرمیوں کاایک حصہ بنے ۔‘‘