علی گڑھ (آرکے بیورو)
علی گڑھ مسلم یونیورسٹی ایک بڑی تبدیلی کی طرف جاسکتی ہے ہے۔ ملک کی اس باوقار یونیورسٹی کے قیام کی ایک سو تین سال کے تاریخ میں پہلی بار خاتون وائیس چانسلر ملنے کی امید کی جا رہی ہے۔ علیگڑھ مسلم یونیورسٹی کی ایگزیکیٹیو کاؤنسل کی میٹنگ 30 اکتوبر کو ہوئی۔ ایگزیکیوٹیو کاؤنسل کی پیر کو تین گھنٹے تک میٹنگ چلی۔ یہمیٹنگ کا ایجنڈا اے ایم یو کے وائس چانسلر کا پینل طے کرنا تھا۔ کاؤنسل کا کام اس عہدے کے لیے پانچ لوگوں کا انتخاب ہے۔ پہلی بار اس پینل میں ایک خاتون کا نام آیا ہے۔ اوروہ پروفسر نعیمہ گلریز کا ہے، جو اے ایم یو کی ویمنس کالج کی پرنسپل ہیں۔ اس کے علاوہ پروفیسر فیضان مصطفی پروفیسر قیوم حسین،پروفیسر فرقان قمر، اور پروفیسر ایم یو ربانی کو بھی پینل میں منتخب کیا گیا ہے۔
ذرائع کا کہنا ہے کہ اگر فائنل تین ناموں کے پینل میں نعیمہ گلریز کا نام آگیا تو ممکن ہے کہ ان کے نام کی لاٹری نکل آئے کیونکہ آخری مہر تو صدر جمہوریہ کو لگانی ہے جو ایک خاتون ہیں ویسے پروفیسر فیضان مصطفی کی لابنگ بھی کافی مضبوط ہے انہوں نے علی گڑھ کو ابنا مسکن بنالیا ہے۔ اور مسلم پرسنل لاء و دیگر معاملات میں اپنیے ,روشن, خیالات اور رائے کی وجہ سے ان حلقوں میں بھی مقبول ہیں جہاں فیصلوں پر آخری مہر لگتی ہے .ممکن ہے کہ وہ بھی سرفہرست رہیں-بہر حال یہ صرف قیاسات ہیں ۔دیکھنا دلچسپ ہوگا کہ قرعہ فال کس کے نام کا نکلتا ہے۔