جے پور/ دہلی : پالی ضلع کے روہٹ میں 18ویں قومی اسکاؤٹ اینڈ گائیڈ جمبوری کے افتتاح کے ساتھ ینگ انڈیا کی جھلک دیکھی گئی۔ اس میں بھارت سمیت مختلف ممالک کے 37 ہزار سے زائد اسکاؤٹس اور گائیڈز حصہ لے رہے ہیں۔ ’ایک بھارت، شریشٹھ بھارت‘ کے موضوع پر ایک ثقافتی پروگرام بھی منعقد کیا گیا۔
اس موقع پر ہندستانی مسلمانو ں کی نمائندہ تنظیم جمعیۃ علماء ہندکے تحت قائم ادارہ جمعیۃ یوتھ کلب کی 182 رکنی ٹیم اپنے سیکریٹری قاری احمد عبدللہ صاحب، ماسٹر ہدایت اللہ اور مولانا واصف کی قیادت میں اس جمبوری میں حصہ لے رہی ہے، ٹیم کے ساتھ کئی ٹرینرس بھی شامل ہیں۔ اس کے علاوہ جمعیۃ چلڈرن ولیج انجار کے تین طلبہ بلوچ مشتاق، انصاری سمیع اللہ ،فیضان احمد بھی جمبوری میں شامل ہیں۔جمعیۃ یوتھ کلب کے نوجوان اپنا پروگرام 8 جنوری کو پیش کریں گے، اس موقع پر جمعیۃ علماء ہند کے جنرل سکریٹری مولانا حکیم الدین قاسمی بھی شریک ہوں گے۔
4 جنوری کو صدر جمہوریہ ہند شریمتی دروپدی مرمو جی کے ہاتھوں اس کا 66ویں جمبوری افتتاح عمل میں آیا جو 10 جنوری تک چلے گی جس میں الگ الگ ریاستوں کی ٹیم اپنے یہاں کے مختلف ثقافتی اور روایتی پروگرام پیش کریں گے۔ اس پروگرام میں دوسری ٹیموں کی طرح جمعیۃ یوتھ کلب کی کلر پارٹی اور مارچ پاسٹ کی ٹیم نے صدر جمہوریہ ہند کو سلامی پیش کی۔ اسکی قیادت جمعیت یوتھ کلب بنار س نے کی۔ ۔صدر جمہوریہ نے تقریب میں بھارت سکاؤٹس اینڈ گائیڈز کا پرچم لہرایا۔ صدر نے جمبوری پریڈ کا نظارہ کیا۔ انھوں نے بھارٹ اسکاوٹ اینڈ تنظیم کے ذریعہ سخت نظم و ضبط اور لگن کے ساتھ معاشرے کی خدمت کرنے پر مبارکباد دی
اپنے تہنیتی پیغام میں جمعیۃ علماء ہند کے صدر مولانا محمود اسعد مدنی نے جمعیۃ یوتھ کلب اور دیگر اداروں کے نوجوانوں کے لیے نیک خواہشات کا اظہار کیا ہے اور امید ظاہرکی ہے کہ وہ اپنی کاردگری کے ذریعہ اپنی اہمیت کا لوہا منوائیں گے۔واضح ہو کہ پالی ضلع کے تحت واقع روہٹ میں 220 ہیکٹیئرس علاقے میں سبھی سہولتوں سے آراستہ اور تین ہزار پانچ سو خیموں والا ایک اسمارٹ جمبوری گاؤں قائم کیا گیا ہے۔ (سورس پریس ریلیز)