پٹنہ:(پریس ریلیز)
رہنما فاؤنڈیشن دمام خبر چیپٹر نے حفاظ کرام کو میڈیکل فیلڈ میں آنے اور طب کے شعبہ میں داخلہ کے لیےتیار کرنے کی غرض سے ایک نئی پہل کی ہے۔ ڈی کے چیپٹر کے کنوینر محمد فیض الدین فیض نے بتا یا کہ فاؤنڈیشن نے شاہین گروپس آف انسٹیٹیوشن سے ہاتھ ملاتے ہوے بیدر میں واقع شاہین انسٹی ٹیوٹ میں حفاظ کرام کو بھیجنے کا بیڑا اٹھایا ہے جہاں ان کو میڈیکل کے انٹرینس نیٹ کی تیاری کرائی جائے گی، جس کے تمام اخراجات رہنما فاؤنڈیشن برداشت کرے گا۔
بہار میں اس نئی پہل کی شروعات کرنے کے لیے رہنما فاؤنڈیشن شکیل ہاشمی،جاوید احمد،ضیا خان،اقتدار احمد،صلاح الین خان،رضاء الاسلام، غلام ربانی، فخر الحسن، حسین رضا خان،سید تحسین احمد، وسیم اعظم ، محمد کلیم اور انجینئرعالمگیرجیسے مخلص سرپرستوں اور اراکین کا ممنون ہیں جنھوں نے حفاظ کرام کے لئے ایسے پروگرام کا آغاز کیا جس کے ذریعہ وہ حفاظ کرام جو صلاحیت وقابلیت ہونے کے باوجود معاشی کمزروی کے باعث میڈیکل کی تیاری نہیں کرسکتے اب بخوبی اپنے خواب کو پورا کرسکیں گے۔
اس پروگرام کے تحت رہنما فاؤنڈیشن ایسے حفاظ کرام کو اسپانسر کرے گا جو نیٹ کی تیاری کی اہلیت رکھتے ہوں، سب سے پہلے ایک ٹیسٹ کے ذریعہ ان کی اہلیت واستعداد کی جانچ ہوگی، اور قابل حفاظ کرام کو بیدر میں واقع شاہین انسٹی ٹیوٹ میں میڈیکل کی تیاری کے لیے بھیجا جائے گا۔ جہاں ان کے مفت کوچنگ کے ساتھ ساتھ قیام وطعام کا بھی مفت انتظام ہوگا۔
خواہشمند حفاظ کرام سے گذارش ہے کہ رہنما فاؤنڈیشن سے وہاٹس ایپ نمبر (7765954618) پررابطہ کرکے فارم حاصل کریں۔