نئی دہلی :
دہلی پولیس نے گزشتہ جمعرات کو کووڈ ویکسینیشن مہم کے سلسلے میں وزیر اعظم نریندر مودی کے تنقیدی تبصرے والے پوسٹر چسپاں کرنے کے الزام میں نو افراد کو گرفتار کیا ہے۔ اس معاملے میں کئی اضلاع میں 10 ایف آئی آر درج کی گئی ہیں۔
پولیس نے بتایا کہ چاروں گرفتاریاں کلیان پوری سے کی گئیں۔ یہ لوگ عام آدمی پارٹی (آپ) کے کونسلر دھریندر کمار کے لئے یہ پوسٹر چسپاں کر رہے تھے۔ پولیس نے بتایا کہ کمار کی مبینہ کردار کی جانچ کی جارہی ہیں۔ ’آپ ‘ کونسلر کا کہنا ہے کہ انہیں اس کے بارے میں کوئی اطلاع نہیں تھی۔ ایک سینئر افسر نے بتایا کہ انہیں اطلاع ملی ہے کہ دہلی کے کئی علاقوں میں پوسٹر لگائے جارہے ہیں، جس میں لکھا ہے ’’ مودی جی ہمارے بچوں کی ویکیسن بیرون ملک کیوں بھیج دیا ‘‘
افسر نے بتایا کہ اس ان پٹ پر کارروائی کرتے ہوئے تمام ضلع پولیس افسران کو آگاہ کیا گیا اور بیٹ اسٹاف کو الرٹ کیا گیا۔ اب تک 10 ایف آئی آر درج کی جاچکی ہیں اور شکایت کی بنیاد پر اور درج کررہے ہیں۔
ایڈیشنل ڈی سی پی (مشرقی ضلع) سنجے سہراوت نے بتایا کہ گشتی ٹیم نے کلیان پوری سے چار افراد دلیپ لال (35) ، شیوم دبے (27) ، راہل تیاگی (24) اور راجیو کمار (19) کو گرفتار کیاہے۔