نئی دہلی :(ایجنسی)
فیکٹ چیکنگ کرنے والی ویب سائٹ آلٹ نیوز اور اس کے شریک بانی محمد زبیر کے خلاف ایف آئی آر کرانےوالے کو ایک ہزار کا انعام کا اعلان کیا گیا ہے۔ یہ مہم ایک ٹویٹ کے ذریعے شروع کی گئی تھی اور اسے سوشل میڈیا پر مسلسل فروغ دیا جا رہا ہے۔دائیں بازو کی تنظیموں کو آلٹ نیوز محمد زبیر مسلسل کھٹک رہے ہیں۔
ٹویٹر پر @arunpudur نام کے ایک ٹویٹر ہینڈل سے ٹویٹ کیا گیا، جس میں کہا گیا ہے کہ اگر کسی بھی ریاست یا مرکز کے زیر انتظام خطے میں پہلی ایف آئی آر@ ALTNeesاور @zoo_bear(زبیر احمد) کےخلاف کرائےگا۔ اسے ایک ہزار روپےکاانعام ملےگا۔ اس میں کہا گیاہےکہ اگر کوئی دونوں کو گرفتار کرایا دےگا تو اسے ہزار روپے کاانعام ملے گا اور 50 ہزاراسےملےگا، جوزبیراحمدکوسزاکرادےگا۔
اس ٹویٹ میں مزید لکھا گیا ہے کہ اس میں کچھ بھی غیر قانونی نہیں ہے۔ یہ ایوارڈز پہلے آؤ پہلے پاؤ کی بنیاد پر ہیں۔ اس نے اپنے ان باکس میں ایف آئی آر کی اطلاع دینے کو کہا ہے۔ اس ٹویٹ کوابھی تک 6972 بار ری ٹویٹ کیا گیا اور تقریباً 400 بار کوٹ کیا گیا۔ لیکن اسی ٹویٹر ہینڈل میں بتایا گیا ہے کہ کل دو لوگوں کے خلاف ایف آئی آر درج کرائی گئی ہے۔ جبکہ مہم چلانے والے کو توقع ہے کہ 28 ریاستوں اور 8 مرکز کے زیر انتظام خطوں میں ایف آئی آر درج کی جائیں گی۔ اس ٹویٹ میں سب سے زیادہ غصہ محمد زبیر پر نکالا گیا ہے۔ اس میں کہا گیا ہے کہ اس شخص کا جیل جانا ضروری ہو گیا ہے۔
ارون پڈور نامی اس شخص کے بارے میں زیادہ معلومات اس کے ٹویٹر بائیو یا کہیں اور دستیاب نہیں ہیں۔ بائیو میں اس شخص نے خود کو بزنس مین لکھا ہے۔ لیکن کسی کمپنی وغیرہ کا کوئی لنک نہیں ہے۔ اپنے پروفائل کا لنک ٹیلی گرام پر دیا ہے۔ وہاں بھی یہی پیغام ہے۔ اس شخص کے بارے میں کوئی معلومات نہیں ہے۔ ارون پڈور کے ٹویٹر اور ٹیلی گرام ہینڈل کو دیکھ کر ایسا لگتا ہے کہ یہ شخص کٹر ہندوتوا کا حامی ہے۔
زبیر کے حق میں مہم
دوسری جانب آلٹ نیوز کے شریک بانی محمد زبیر کے حق میں زبردست مہم جاری ہے۔ جس میں ان کے خلاف درج ایف آئی آر کی مخالفت کی گئی ہے۔ بہت سے لوگوں نے محمد زبیر کو جمہوریت کی آواز قرار دیا ہے۔ کچھ لوگوں نے لکھا ہے کہ اگر آپ سچ کا ساتھ دینا چاہتے ہیں تو آپ کو زبیر کا ساتھ دینا ہوگا۔ سوشل میڈیا #IStandWithZubair جیسے ہیش ٹیگز سے بھر گیا ہے۔ ریڈیو مرچی کی آر جے صائمہ نے زبیر کو حقیقی محب وطن قرار دیا۔
بالی ووڈ اداکارہ سوارا بھاسکر نے بھی زبیر سے اظہار یکجہتی کیا۔