نئی دہلی :
بھارت جیسی جمہوریت میں وزیر اعظم کا عہدہ سب سے اہم ہوتا ہے ۔ وزیراعظم آفس میں کام کرنے والے ملازمین وزیراعظم کی مدد کرنے میں خصوصی کردار ادا کرتے ہیں ، یہی وجہ ہے کہ وزیراعظم آفس (پی ایم او) کو ملک میں سب سے اہم سمجھا جاتا ہے۔
لیکن وزیر اعظم کا دفتر کیسے کام کرتا ہے اور یہاں کتنے افسران کام کر رہے ہیں؟ ان سوالات کے جوابات جاننے کے لیے انڈیا ٹوڈے نے ایک آر ٹی آئی داخل کی ، جس میں سوال پوچھا گیا کہ پی ایم او میں کتنے سیکشن یا محکمے ہیں؟پی ایم او میں کتنے لوگ کام کر رہے ہیں؟ سیکشن کا بجٹ کتنا ہے؟
اس سوال پر حکومت ہند کی طرف سے جواب دیا گیا ہے کہ وزیر اعظم کا دفتر’ ‘حکومت ہند کے محکمہ‘ کے تحت کام کرتا ہے ، اس لیے پی ایم او کے تحت کوئی الگ محکمہ نہیں ہے، جبکہ پی ایم او میں کل 301 لوگ کام کرتے ہیں۔
پی ایم او کے بجٹ کے بارے میں پوچھے گئے سوال میں بتایا گیا ہے کہ مرکزی وزارت داخلہ کی جانب سے بجٹ وزیراعظم آفس کو فراہم کیا جاتا ہے۔ اگر آپ سال بہ سال بجٹ جاننا چاہتے ہیں تو اسےhttps://mha.Rov.in/divisionof mha/finance-division پرجا کر معلوم کرسکتے ہیں ۔
بھارت میں زیادہ تر لوگ اس بات سے واقف نہیں ہوں گے کہ پی ایم او کا بجٹ بھی وزارت داخلہ ہی دیتا ہے ،جب دئے گئے لنک پر جاکر کھنگالا گیا تو جانکاری ملی کہ اس مالی سال کے لیے پی ایم او کے لیے کل 58 کروڑ کا بجٹ مہیا کیا گیا ہے ۔