نئی دہلی (ایجنسی)
آرین خان منشیات کیس پر کسان رہنما راکیش ٹکیت نے کہا ہے کہ چھ گرام منشیات برآمد ہونے پر وبال مچاہے اور 21 ہزار کروڑ روپے پر خاموشی۔ بند کرایا جائے اڈانی کا پورٹ
تین نئے زرعی قوانین کی مخالفت کر رہے کسانوں کے لیڈر راکیش ٹکیت نے شاہ رخ کی حمایت میںبی جے پی اور مودی سرکار پر جم کر نشانہ سادھا۔ انہوں نے کہاکہ 21 ہزار کروڑ کاڈرگس ہے، اس کا پتہ نہیں چلا کہ اس کا مالک کون تھا؟ 21 ہزار کروڑ کاڈرگس بھارت میں وہ لا سکتا ہے ،جو بھارت میںنمبر ایک، نمبر دو اورنمبر تین ہوں گے۔ جو امیر لوگ ہوں گے۔ وہ ڈرگس پر اتنا پیشہ خرچ کر سکتا ہے ۔
انہوں نے کہا کہا اڈانی کے پورٹ سے برآمد ہوا ہے تو اس کو پکڑنا چاہئے۔ دباؤگے کیا مدعے کو ؟ کہاں گئے وہ ڈرگس ؟ انہوں نے مزید کہاکہ چھ گرام برآمد ہوئی تو اس پر ہنگامہ ہو گیا۔ 21 ہزار کروڑ روپے کاڈرگس پکڑا گیا، اس کا پتہ نہیں چل رہا۔ پورٹ کو بند کرنا چاہئے۔ اس کی تلاشی لینی چاہئے ۔ کہاں سے ملی، اس کی جانچ ہونی چاہئے۔ کس کی ہو سکتی ہے، اس کی جانچ ہونی چاہئے۔
بتادیں کہ ٹکیت اس ڈرگس کی کھیپ کی بات کررہے تھے ، جو مندرا پورٹ پر پکڑا گیا تھا۔ گجرات کے اس بندرگاہ سے 2,988کلو ہیروئن برآمد کیا گیا تھا ۔ مندرا پورٹ کو اڈانی گروپ چلاتا ہے ۔ اس معاملے پر اڈانی گروپ نے اپنے بیان میں کہا تھا کہ ہیروئن کے کنٹینر مندرا بندر گاہ پر ڈی پی ورلڈ ٹرمینل پر پہنچے تھے ۔ ملک بھر میں کوئی بھی پورٹ آپریٹر کنٹینر کی جانچ نہیں کر سکتا ہے۔ ان کا رول بندرگاہ چلانے تک محدود ہے۔ سمیتی حکام کے سبب آپریٹرز کے ہاتھ بندھے ہوتے ہیں ۔
وہیں آرین خان ڈرگس کیس معاملے میں اب این سی بی بھی سوالات کے گھیرے میں آگئی ہے۔ اس کیس کے چیف تفتیشی افسر اور این سی بی کے زونل ڈائریکٹر سمیر وانکھیڑے پر سنگین الزامات لگ رہے ہیں ۔ آرین ابھی بھی جیل میں بند ہے اور ضمانت ملنے کاانتظار کررہے ہیں ۔