لکھنؤ:
ملک کےالگ الگ حصوں میں اس وقت کورونا وبا دیکھنے کو مل رہا ہے۔ لگاتار نئے مریضوں کی تعداد میں اضافہ ہورہا ہے ، ایسے میں اسپتالوں پر دباؤ بڑھ رہا ہے ۔ کسی اسپتالوں میں بیڈ نہیں ہے، توکسی میں آکسیجن کی کمی ہے۔ آکسیجن کیلئے خود مریضوں کے اہل خانہ کودر در بھٹکنا پڑ رہا ہے ۔ وہیں کئی شہروں میں اسپتال کی لاپروائی بھی دیکھنے کو مل رہی ہے۔ جس کے بعد لواحقین کا غصہ پھوٹ رہا ہے۔
وارانسی : اسپتال میں لاپروائی …
اترپردیش کے وارانسی میں بھی کووڈ وبا کے پھیلنے کی وجہ سے اسپتالوں کا انتظامات بگڑتے جا رہے ہیں۔ یہاں روہنیا علاقے میں جب نجی اسپتال نے لاپروائی کی حدیں پار کردیا تو مشتعل لواحقین نے ہنگامہ برپا کردیا اور توڑ پھوڑ کی۔ افسوس بات یہ ہے کہ اس ہنگامہ کے باوجود مریض کی جان نہیں بچ سکی۔
دراصل ،روہانیہ کے بچھاؤ علاقے میں ایک نجی اسپتال میں جب ڈاکٹر اور عملہ نادار د رہے تو مریضوں نے ہنگامہ کردیا۔ ایک اہل خانہ کا الزام ہے کہ اسپتال نے کووڈ مریض کو اسپتال میں بھرتی کرلیا ، لیکن کسی طرح کی دیکھ بھال نہیںہو رہی ہے۔
روتےہوئے خاتون نے بتایا کہ اسپتال میں مریض کو دوا دینے والا کوئی نہیں ہے ، اس دوران مریض کی طبیعت بگڑ گئیاور آخر میں اس کو اپنی زندگی سے ہاتھ دھونا پڑا۔ جس اسپتال میں توڑ پھوڑ ہوئی تھی، اسی اسپتال کو کچھ دن پہلے نوٹس جاری کیا گیا تھا ۔ ڈی ایم نے ریمیڈسیور انجکشن کو لے کر اسپتال کو نوٹس جاری کیا تھا۔
اٹاواہ اسپتال میںتیماداروں کا ہنگامہ، توڑ پھوڑ
وارانسی کی طرح اٹاواہ کا بھی یہی حال ہے۔ یہاں اسپتال میں کووڈ مریضوں کی تعداد بڑھ رہی ہے لیکن اسپتال کے اسٹاف کی لاپروائی بھی جاری ہے۔ حال یہ ہے کہ ایک خاتون کی موت کے بعد لواحقین کاغصہ پھوٹ پڑا اور کووڈ اسپتال کے آئیسولیشن سینٹر میں توڑ پھوڑ کر دی۔ اس دوران ڈاکٹر، طبی اہلکاروں کے ساتھ ہاتھا پائی بھی ہوئی۔
اہل خانہ کا الزام ہے کہ اسپتال میں عملہ لاپروائی برت رہا ہے ، انہیں خود آکسیجن سلنڈر لانا پڑ رہے ہیں لیکن پھر بھی ڈاکٹر ان کو دیکھنے نہیں آرہے ہیں۔ جب اس سلسلے میں سی ایم او سے بات کی گئی تو وہ معاملے کی لیپا پوتی کرتے نظر آئے اور آکسیجن کی کمی کو مستردکردیا۔ ساتھ ہی اہل خانہ کے الزامات کو بھی خارج کردیا۔
دوسرے شہروں کی بھی حالت خراب
وارانسی ، اٹاواہ کے علاوہ فرخ آباد ، مراد آباد ، میرٹھ سمیت متعدد شہروں سے آکسیجن کی کمی ، بستروں کی کمی اور ڈاکٹروں کی لاپروائی کی اطلاعات آرہی ہیں۔ فرخ آباد کی ایک ویڈیو بھی سوشل میڈیا پر وائرل ہو رہی ہے ، جہاں پر فیملی مریض کے لئے آکسیجن کی مانگ کررہی ہے ، کیوں کہ آکسیجن مسلسل کم ہوتی جارہی ہے۔
یوپی میں کورونا کی حالت:
کل معاملات: 11,53,097
فعال کیس: 3,06,458
کل اموات: 11,678