نئی دہلی:
کووڈ-19کی پہلی اور دوسری لہر کے جہاں لاکھوں افراد کو موت کا پیالہ پلادیا، وہیں کئی سماجی، نفسیاتی، معاشی اور تعلیمی مسائل کو جنم دیا ہے۔ ملازمتوں سے لوگ ہاتھ دھو بیٹھے ہیں۔کاروبار میں نقصان ہونے سے بند ہوچکے ہیں۔ایک بڑا متوسط طبقہ غربت کے زمرے میں داخل ہوچکا ہے۔ معاش کی ایسی بدترین صورتحال میں بچوں کی تعلیم ان کے فیس کی ادائیگی متاثر ہوچکی ہے۔ والدین کے پاس اتنا پیسہ نہیں ہے کہ وہ اپنے بچوں کو اب اچھے اسکول اور کالجز میں داخلہ دلاکر ان کے خوابوں کی تعبیر کرسکیں۔انہیں پروفیشنل کورسیس میں داخلے کیلئے NEETکی کوچنگ کا انتظام کرسکیں۔اس صورتحال کا مقابلہ کرنے کیلئے شاہین گروپ آف انسٹی ٹیوٹیشنز نے ایک پروگرام وضع کیا ہے،جس کا نام ’’شاہین کیرس‘‘یہ پروگرام ملت کے تعاون سے چلے گا۔
شاہین کیئرس:
شاہین کیئرس کا مقصد غریب طلبہ کی تعلیم کا انتظام کرنا ہے۔ انہیں مالی تعاون پیش کرنا ہے۔یہ پروگرام کسی مسجد یا دیگر عبادت گاہوں یا ان عبادت گاہوں کے محلہ جات اور بستی کے نوجوانوں یا فکر مند افراد کے ذریعہ چلایا جاسکتا ہے۔ مقامی سطح پر ایک شاہین کیئرس کی مقامی کمیٹی تشکیل دے لیں۔اس کمیٹی میں ایک تعلیمی فنڈ کا آغاز کریں۔ اس میں دیگر عطیات کے ساتھ زکوٰۃ کی رقم بھی حاصل کی جاسکتی ہے۔یہ پروگرام کسی مسجد میں قائم شدہ بیت المال کے ذریعہ بھی ہوسکتا ہے۔
فنڈ کے قیام کے بعد اپنے علاقہ میں سے ایک غریب طالب علم کا انتخاب کریں اور اُس کی مالی امداد کا منصوبہ بنائیں۔اُس طالب علم کا داخلہ اگر آپ شاہین کالج میں کرائیں گے تو شاہین فاؤنڈیشن فیس کا60فیصد حصہ ادا کرے گا اور مقامی شاہین کیئرس فنڈ جس کا ذکر ہم نے اوپر کیا ہے وہ صرف40فیصد ادا کرے۔
واضح رہے کہ یہ اسکیم شاہین میں داخلوں کو بڑھانے کیلئے نہیں ہے۔اس لئے ہم ایک مقام؍ کمیٹی نے صرف ایک یا دو طلبہ ہی کو قبول کریں گے۔
اس اسکیم کے تحت کورسس:
(1)شاہین کالج اس اسکیم کے تحت پی یو سی سالِ اول،دوم (NEETکی کوچنگ کے ساتھ)، بی اے، بی ایس سی اور بی کام میں داخلے دے گا۔ یہ تمام کورسس بیدر میں ہاسٹل کی سہولت کے ساتھ ہیں۔ دیگر برانچز میں یہ سہولت محدود طلبہ کیلئے ہے۔
(2)اس اسکیم کے تحت حافظ، اور علماء کیلئے بھی گنجائش ہے۔ مدرسہ سے فارغ طلبہ کیلئے دو سالہ فاؤنڈیشن کورس ہوگا اس کے بعد انہیں پی یو سی (گیارہویں) میں داخلہ دیا جائے گا۔ بعد ازاں وہ پروفیشنل کورسس میں داخلہ لے سکتے ہیں۔
اس اسکیم کو ملک بھر میں عام کرنے کیلئے دیگر تعلیمی و سماجی ادارے ہمارے ساتھ جڑسکتے ہیں۔
شاہین کا تعارف:
شاہین کالج ریاست کرناٹک ہی نہیں بلکہ پورے ملک میں ایک اونچا مقام رکھتا ہے۔گزشتہ سال اس ادارے سے کوچنگ حاصل کئے 400سے زائد طلبہ نے میڈیکل کورسس میں NEETکے ذریعہ داخلہ حاصل کیا تھا۔ شاہین ایک معیاری کالج ہے۔ اس میں لڑکے او لڑکیوں کیلئے علیحدہ کیمپس ہے۔حکومت کرناٹک نے اسے ریاست کے اعلیٰ ترین ایوارڈ سے نوازا ہے۔