نئی دہلی :(ایجنسی)
دہلی کی ایک عدالت نے 2020 میں شمال مشرقی دہلی فسادات کے ملزم شرجیل امام کےو ائس سیمپل لینے کے پولیس کی درخواست کومنظور کر لی ہے ۔
دہلی پولیس شرجیل امام کی آواز اور آسنسول اور بہار میں اشتعال انگیز تقریر کرنے کے مبینہ ویڈیو میں موجود آواز کو ملانا چاہتی ہے۔ عدالت شرجیل امام کی ضمانت کا حکم آج سنائے گی۔ ایڈیشنل سیشن جج امیتابھ راوت نے جمعرات کو شرجیل امام کی آواز کے نمونے لینے کی درخواست کی اجازت دے دی ہے۔
عدالت نے ہدایت دی کہ پولیس سی ایف ایس ایل، سی بی آئی، نئی دہلی کے ساتھ تعاون کرے اور آواز کے نمونے لینے کی تاریخ اور وقت طے کرنے کے بعد عدالت کو مطلع کرے تاکہ ملزم کا پروڈکشن وارنٹ جاری کیا جاسکے۔ عدالت نے یہ بھی ہدایت دی کہ متعلقہ جیل سپرنٹنڈنٹ ملزم کی مقررہ تاریخ اور وقت پر پیشی کو یقینی بنائے جیسا کہ تفتیشی افسر نے بتایا ہے۔ ملزم کے وکیل نے آواز کا نمونہ دینے پر کوئی اعتراض نہیں کیا۔
تفتیشی افسر نے بتایا ہے کہ ملزم شرجیل امام نے 22-23 جنوری 2020 کو مغربی بنگال کے آسنسول اور بہار میں گیا کے چکند میں اشتعال انگیز تقریر کی تھی۔ یوٹیوب اور ٹوئٹر پر اپ لوڈ کی گئی ان کی تقاریر کوڈاؤن لوڈ کرکے موجودہ معاملے میں ضبط کر لیا گیا تھا۔