پھلواری شریف معاملہ میں پاپولر فرنٹ آف انڈیا (PFI) کے خلاف اتوار کو تلنگانہ اور آندھرا پردیش میں 38 مقامات پر تلاشی لی گئی۔ این آئی اے کے ترجمان نے کہا کہ تلنگانہ میں 38 مقامات اور آندھرا پردیش میں دو مقامات پر تلاشی کے دوران چار افراد کو پوچھ گچھ کے لیے حراست میں لیا گیا ہے۔ اہلکار نے دعویٰ کیا کہ آپریشن کے دوران ڈیجیٹل آلات، دستاویزات، دو خنجر اور 8.31 لاکھ روپے سے زیادہ نقدی سمیت مجرمانہ مواد ضبط کیا گیا۔
ابتدائی طور پر یہ کیس 4 جولائی کو تلنگانہ کے نظام آباد پولیس اسٹیشن میں درج کیا گیا تھا اور ریاستی پولیس نے تحقیقات کے دوران چار ملزمین عبدالقادر، شیخ سعد اللہ، محمد عمران اور محمد عبدالمبین کو گرفتار کیا تھا۔ بعد میں، این آئی اے نے تحقیقات کو آگے بڑھانے کے لیے 26 اگست کو کیس کا دوبارہ اندراج کیا، ترجمان نے کہا۔ عہدیدار نے بتایا کہ تلنگانہ میں 38 مقامات پر چھاپے مارے گئے جن میں سے 23 نظام آباد میں، اس کے بعد جگتیال میں سات، حیدرآباد میں چار، نرمل میں دو اور عادل آباد اور کریم نگر اضلاع میں ایک ایک مقام پر چھاپے مارے گئے۔
افسر نے بتایا کہ قادر اور 26 دیگر سے متعلق کیس میں آندھرا پردیش کے کرنول اور نیلور اضلاع میں ایک ایک جگہ پر تلاشی لی گئی۔ ساتھ ہی انہوں نے اپنے دعوے میں کہا کہ ملزمان دہشت گردی کی کارروائیاں کرنے اور مختلف گروہوں کے درمیان مذہب کی بنیاد پر دشمنی کو فروغ دینے کے لیے تربیتی کیمپ چلا رہے تھے۔ معاملے کی تحقیقات جاری ہیں۔