نئی دہلی :(ایجنسی)
دہلی میں بی جے پی دفتر میں پارٹی میں شمولیت کے موقع پر اپرنا یادو نے کہا کہ میں ہمیشہ وزیر اعظم نریندر مودی سے متاثر رہی ہوں۔ میرے خیال میں راشٹر پہلے ہے۔ مجھے لگتا ہے کہ میرے لیے راشٹر سب سے پہلے ہے۔ اب راشٹر کی ارادھنا(عبادت) کے لیے نکلی ہوں۔ میں پی ایم نریندر مودی کے کام کرنے کے انداز سے متاثر رہی ہوں۔ میں یہی کہوں گی کہ میں اپنی استطاعت کے مطابق جو کر سکتی ہوں، کروں گی۔ بتا دیں کہ اپرنا یادو طویل عرصے سے پی ایم نریندر مودی، بی جے پی اور یوپی کے سی ایم یوگی آدتیہ ناتھ کی تعریف کر رہی ہیں۔
اس موقع پر یوپی بی جے پی کے صدر سواتنتر دیو سنگھ نے کہا کہ نیتا جی ملائم سنگھ یادو کی بہو آج بی جے پی میں شامل ہو رہی ہیں۔ میں ان کا پرتپاک استقبال کرتا ہوں۔ مغربی اترپردیش میں پہلے دو مرحلوں میں انتخابات ہونے جا رہے ہیں۔ ایس پی کے دور حکومت میں غنڈہ گردی کو اتنی اہمیت دی جاتی ہے کہ مغربی یوپی میں کوئی بیٹی، بیٹا یا کسان محفوظ نہیں رہتا ہے۔ اعظم خاں کی اکھلیش یادو سے زیادہ چلتی ہے، جو غنڈوں کو آزاد کرنے کے لیے فون کردیا کرتےتھے۔
ہمیشہ لگتا تھا کہ بی جے پی نظریے کی ہیں اپرنا یادو:موریہ
اس موقع پر یوپی کے ڈپٹی سی ایم کیشو پرساد موریہ نے کہا کہ میں اپرنا یادو کو بی جے پی پریوار میں خوش آمدید کرتا ہوں۔ مجھے یہ کہتے ہوئے خوشی ہو رہی ہے کہ ملائم سنگھ یادو کی بہو ہونے کے بعد بھی، آپ نے جو خیالات ہمیشہ رکھے ہیں ،سے دیکھتےہوئے مجھے ہمیشہ لگتا تھا کہ وہ بی جے پی نظریے کی ہیں۔طویل بحث کے بعد انہوں نے یہ فیصلہ لیا کہ وہ بی جے پی کاحصہ بنیں گی۔
پی ایم نریندر مودی کی قیادت میں جو ملک کی ترقی اور یوگی جی کی قیادت میں یوپی جس طرح سے ترقی کر رہا ہے اسے دیکھ کر بڑی تعداد میں لوگ بی جے پی میں آ رہے ہیں۔ اس موقع پر کیشو پرساد موریہ نے کہا کہ اکھلیش یادو تو اپنے خاندان میں ہی کامیاب نہیں ہیں۔ بی جے پی کی پہلی لسٹ میں ہمارے سی ایم یوگی آدتیہ ناتھ اورمیرا نام آیا ہے ، لیکن ان کی ہمت الیکشن لڑنےکی نہیںہو رہی ہے ۔