ممبئی
مقبول عام ٹی وی شو ’ساودھان انڈیا‘کے ہوسٹ رہ چکے اور باووڈ کے مشہور اداکار سشانت سنگھ نے بھارتیہ جنتا پارٹی ( بی جے پی ) اور راشٹریہ سویم سیوک سنگھ ( آر ایس ایس ) پر نشانہ سادھا ہے ۔ فلمی اداکار نے بی جے پی اور سنگھ کی ایک میٹنگ والی خبر کو شیئر کرتےہوئے کہاکہ اترپردیش کے گاؤں – گاؤں میں لوگ کورونا وائرس سے مر رہے ہیں تو یہ اسمبلی انتخابات پرمہا منتھن (غوروخوض) کررہے ہیں۔ بے شرم کی جماعت یہ ہے ۔
غور طلب ہے کہ اترپردیش میں 2022 میں اسمبلی انتخابات ہونے ہیں۔ اسمبلی انتخابات سے قبل بھارتیہ جنتا پارٹی (بی جے پی) اپنی انتخابی حکمت عملی تیار کررہی ہے۔ اترپردیش کے حوالے سے تنظیم کے سینئر رہنماؤں کا منتھن جاری ہے۔اس اہم میٹنگ میں وزیر اعظم نریندر مودی ، وزیر داخلہ امت شاہ، بی جے پی صدر جے پی نڈا ، تنظیم کے وزیر سنیل بنسل کے ساتھ آر ایس ایس کے سرکارواہ دتاتریہ ہوسبولے کے درمیان اتوار کو بیٹھک ہوئی ۔
یوپی انتخابات کے تناظر میں بی جے پی اور سنگھ کے بڑے رہنماؤں کی بیٹھک اور منتھن کی خبریں میڈیا میں بھی آئی۔ اس خبر کو لے کر بالی ووڈ اداکار سشانت سنگھ نے ٹویٹ کرکے بی جے پی اور سنگھ کو کھری – کھوٹی سنائی
اداکار سشانت سنگھ نے یوتھ کانگریس کے قومی صدر بی وی سری نواس کی ایک پوسٹ شیئر کرتے ہوئے اتوار (24 مئی) کو اپنے ٹویٹ میں لکھا :’’ بے شرموں کی جماعت ہے یہ ،اترپردیش کے گاؤں – گاؤں میں لوگ مر رہے ہیں مگر بی جے پی اور آر ایس ایس اسمبلی انتخابات پر مہا منتھن کررہے ہیں۔‘‘
کانگریس لیڈر نے ایک خبر کا لنک شیئر کرتے ہوئے اپنے ٹویٹ میں لکھا:’ جب ’گنگا‘کے ساحل پر ’ہندو رسم ورواج‘ کے خلاف مٹی میں دبی لاشوں کودیکھ کر غم مناتے ہوئے ان کی آخری رسومات کیا جانا چاہئے تھا، تب بی جے پی اترپردیش میں اسمبلی انتخابات کی تیاری کررہی ہے، اس خبر کو پڑھ کر ہی شرمندہ ہوں۔‘
بالی ووڈ اداکار سشانت سنگھ کا یہ ٹویٹ اب سوشل میڈیا پر بہت وائرل ہورہا ہے ، صارفین اس ٹویٹ پر سخت ردعمل دے رہے ہیں۔ کچھ لوگ اس کی حمایت میں ٹویٹ کر رہے ہیں اور کچھ اس کی تنقید بھی کر رہے ہیں۔