نئی دہلی :
کورونا انفیکشن کی موجودہ شرح کو دیکھتے ہوئے یونیورسٹی گرانٹس کمیشن (یو جی سی) نے مئی میں ہونے والے تمام آف لائن امتحانات ملتوی کردیاہے۔ یو جی سی نے اس سلسلے میں تمام یونیورسٹیوں اور ریاستوں کو ایک خط لکھا ہے ، جس میں انہیں ہدایت کی گئی ہے کہ وہ مئی کے مہینے میں کوئی آف لائن امتحان نہ لیں۔ خط میں یہ بھی لکھا ہے کہ جون میں جائزہ اجلاس کے بعد ہی ان امتحانات کے بارے میں فیصلہ لیا جائے گا۔
یو جی سی نے لکھا :’جیسا کہ ہم سب جانتے ہیں کہ ملک کے بیشتر حصوں کو کووڈ-19 کی دوسری لہر کا سامنا ہے۔ اس وقت سب کی صحت کا خیال رکھنا اور سلامتی کو یقینی بنانا سب سے اہم ہے۔ ملک بھر میں ادارے پہلے ہی اس سمت میں ہر ممکن قدم اٹھا رہے ہیں۔
ملک میں کورونا انفیکشن کے موجودہ حالات کو مدنظر رکھتے ہوئے کیمپس میں سماجی دوری بنائے رکھنے اور طلبا، اساتذہ اور عملے کو ریلیف فراہم کرنے کے لئے مئی 2021 میں ہونے والے تمام آف لائن امتحانات ملتوی کرنے کی ضرورت ہے۔
تاہم ، کورونا انفیکشن کے روک تھام کے لیے مرکز ؍ریاستی سرکار ،وزارت تعلیم یا یو جی سی کے ذریعہ گائڈ لائنس اور مقامی حالات کو مدنظر رکھتے ہوئے اعلیٰ تعلیمی آن لائن امتحانات کے انعقاد کے بارے میں مناسب فیصلے کرنے کے لیے آزاد ہیں۔ اس سلسلے میں ، اعلیٰ تعلیمی انسٹی ٹیوٹ کی جانب سے صورتحال کے لحاظ سے اگلے مہینے ایک مناسب فیصلہ لیا جاسکتا ہے۔