بریلی:وشو ہندو پریشد کی فائر برانڈ لیڈر سادھوی پراچی نے پھر زہر اگلا ہے شردھا قتل کیس کے حوالے سے پراچی نے کہا کہ ہندو ایک ہو جاؤ۔ کان کھول کر سن لو ۔ ان کو اسی زبان میں جواب دیں جہاں آفتاب نے شردھا کو 35 ٹکڑوں میں کاٹاوہیں آفتاب کے 500 ٹکڑے کر دیں، راستہ نکالا جائے گا۔ اگلے دن کوئی ندھی گپتامری ہوئ نہیں پائی جائے گی
وہ یہاں نامہ نگاروں سے گفتگو کررہی تھیں TV9کی رپورٹ کے مطابق پراچی نے ہندو لڑکیوں کو مسلمان لڑکوں سے دوستی اور محبت کرنے سے سختی سے منع کیا۔ اس کے ساتھ ساتھ ہر والدین کو یہ بھی ہدایت کی کہ وہ اپنی بیٹی پر نظر رکھیں، تاکہ کوئی ‘جہادی’ اسے اپنے چنگل میں نہ پھنسا سکے۔
سادھوی پراچی نے کہا کہ ہندوستان کے اندر ایک بہت سوچی سمجھی سازش ہو رہی ہے۔ یہاں ہندو بیٹیوں کو کیسے پھنسایا جاتا ہے، ان کے ساتھ لو جہاد کیا جاتا ہے۔ یہ شردھا نہیں ہے، کبھی ندھی گپتا آتی ہے اور کبھی شردھا آتی ہے۔ انہوں نے کہا کہ ایسے واقعات صرف ہندو بیٹیوں کے ساتھ ہی کیوں ہوتے ہیں؟ جبکہ ہندو لڑکے بھی مسلمان لڑکیوں سے شادی کرتے ہیں۔ آج تک بھارت میں ان کے ساتھ ایسا کوئی واقعہ منظر عام پر نہیں آیا۔
سادھوی پراچی نے دھمکی آمیز انداز میں ہندوؤں سے کہا کہ اپنی بیٹیوں کی حفاظت کے لیے ہمیں قانون کو اپنے ہاتھ میں لینا پڑ سکتا ہے ۔