نئی دہلی (آرکے بیورو): میڈیا اپنی بنیادی ذمہ داری ادا کرے وہیں بی جے پی کو بھی چاہیے کہ وہ ملک کے تمام شہریوں کے ساتھ یکساں سلوک کرے ۔جماعت اسلامی ہند کی ماہانہ پریس کانفرنس سے خطاب کرتے ہوئے نائب امیر جماعت ملک معتصم خان نے ان خیالات کا اظہار کیا۔
انہوں نے کہا کہ ہمیں حالیہ انتخابی نتائج سیاسی پارٹیوں کے لئے نوشتہ دیوار ہیں ان سے نہ تو مایوس ہونے کی ضرورت ہے اور نہ ہی خوش ہونے کی،بلکہ ان کاتجزیہ کرکے متوازن لائحۂ عمل اختیار کرنے کے ضرورت ہے۔انہوں نے زور دے کر سیکولرازم کے تئیں سیاسی پارٹیوں کو منافقانہ روش چھوڑنی ہوگی
پریس کانفرس میں موجود دوسرے نائب امیر نے جماعت کی مجلس شوریٰ کے اجلاس میں منظور قراردادوں کی تفصیلات سے آگاہ کیا ۔انہوں نے بتایا کہ فلسطین پر اسرائیلی جارحیت کی سخت مذمت کی گئی اور نیتن یاہو پر جنگی جرائم کا مقدمہ چلانے کا مطالبہ کیا گیا۔
اس کے علاوہ سیاست میں اخلاقی اقدار کی حمایت کی گئی۔جماعت نے منظور کردئ ایک اور قرارداد میں الیکٹورل بانڈ میں شفافیت پر زور دیاگیا۔ مزید برآں بیورو کریسی اور سرکاری اداروں کے بے جا استعمال پر تشویش کا اظہار کیا ۔
مختلف سوالوں کے جواب کے ساتھ پریس کانفرنس اختتام پذیرہوئی۔ ان دونوں کے علاوہ پریس کانفرنس میں میڈیا سکریٹری کے کے سہیل بھی موجود تھے ۔