دیوبند:
دہلی ہائی کورٹ کے ذریعہ ملک میں یونیفارم سول کوڈ نافذ کرنے کرنے کو وقت کی ضرورت قرار دیتے ہوئے مرکزی حکومت سے اس سلسلہ میں ضروری اقدامات کرنے کی ہدایت دی ہے، اس سلسلہ میں عظیم دینی دانش گاہ دارالعلوم دیوبند کے مہتمم مفتی ابوالقاسم نعمانی نے اپنا رد عمل ظاہر کرتے ہوئے کہاکہ ہمارے ملک میں مختلف رنگ و نسل اور الگ الگ طبقات و مذاہب کے لوگ رہتے ہیں اسلئے یہاں یونیفارم سول کوڈ کے نفاذ سے آسانیاں نہیں بلکہ مشکلیں پیدا ہوںگی۔
دارالعلوم دیوبند کے مہتمم مفتی ابوالقاسم نعمانی نے کہاکہ یہ عدالت کا فیصلہ ہے اس پر ہم زیادہ کچھ نہیں کہہ سکتے ہیں لیکن اتنا ضرور کہہ دینا چاہتے ہیں ہمارے ملک میں یونیفارم سول کوڈکا نفاذ کوئی آسان عمل نہیں ہے کیونکہ یہاں مختلف مذاہب، طبقات اور الگ الگ رنگ و نسل کے لوگ رہتے ہیں،ایسی صورت میں یہاں یونیفارم سول کوڈ کا نفاذ سے آسانیاں نہیں بلکہ مشکلیں بڑھیں گی اور اس سے ملک کے اتحاد کو گہرادھچکا لکے گا۔
وہیں فتویٰ آن لائن کے چیئرمین مفتی ارشد فاروقی نے بھی کورٹ کے اس فیصلہ پر اپنا رد عمل ظاہر کرتے ہوئے کہاکہ یونیفارم سول کوڈ کو ملک کا کوئی بھی طبقہ قبول نہیں کریگا،کیونکہ اس ملک میں مختلف طبقات کے لوگ رہتے ہیں ،ایسی صورت یہاں یونیفارم سول کوڈ نافذ کرنے سے آسانیاں پیدا نہیں ہونگی بلکہ مشکلیں بڑھیں گی۔ واضح رہے کہ دہلی ہائیکورٹ نے مذکورہ فیصلہ اکثریتی فرقہ کے ایک جوڑے کے طلاق کے معاملہ میں سماعت کرتے ہوئے سنایا تھا۔