نئی دہلی: (ایجنسی)
ہندوستان وزارت خارجہ نے جمعرات کو کہا کہ ہندوستان آئندہ ہفتے طالبان سے متعلق ایک اہم میٹنگ میں حصہ لے گا۔ اس میٹنگ کا انعقاد روس کے ذریعہ کیا جارہا ہے۔ روس نے جمعرات کو کہا کہ وہ 20 اکتوبر کو افغانستان پر ہونے والی ماسکو فارمیٹ میٹنگ میں طالبان کے نمائندوں کو مدعو کرے گا۔ افغانستان کے لئے روسی صدر کے خصوصی سفیر اور وزارت خارجہ کے دوسرے ایشین ڈویژن کے ڈائریکٹر ضمیر کابولو کے حوالے سے ٹی اے ایس نے ایک رپورٹ شائع کی ہے۔
ماسکو کانفرنس میں چین، پاکستان اور ایران بھی شامل ہیں۔ طالبان کے اقتدار میں آنے کے بعد سے یہ افغانستان پر ماسکو فارمیٹ کا پہلا ایڈیشن ہوگا۔ ہندوستانی وزارت خارجہ کے ترجمان نے کہا، ہمیں 20 اکتوبر کو افغانستان پر ماسکو فارمیٹ میٹنگ کی دعوت ملی ہے۔ ہم اس میں حصہ لیں گے۔روس کی دعوت پر ماسکو میں طالبان کے ساتھ اسٹیج شیئر کرے گا بھارت