نئی دہلی:
اگر آپ تدریسی میدان میں ملازمت کی تلاش کر رہے ہیں تو آپ کے لئے بہتر موقع ہے۔ جامعہ ملیہ اسلامیہ میں جاب پانے کا سنہری موقع ہے۔ جے ایم آئی نے پروفیسر ، ایسوسی ایٹ پروفیسر اور اسسٹنٹ پروفیسر عہدوں پر بھرتیوں کا نوٹیفکیشن جاری کیا ہے۔ اس کے مطابق کل 47 عہدوں پر تقرری کی جائے گی۔ ایسی صورتحال میں ، دلچسپی رکھنے والے اور اہل امیدوار 30 جون 2021 کو یا اس سے پہلے ان آسامیوں کے لئے درخواست دے سکتے ہیں۔ درخواست دینے کے لئے ، امیدواروں کو jmi.ac.in پر جا کر آن لائن درخواست دینی ہوگی۔ امیدوار اس بات کا دھیان رکھیں کہ آخری تاریخ گزرنے کے بعد کوئی بھی درخواست قبول نہیں کی جائےگی ۔
ان تاریخوں کو دھیان میں رکھیں
نوٹیفیکیشنجاری ہونے کی تاریخ – 3 جون ، 2021
درخواست جمع کرنے کی آخری تاریخ ۔30 جون ، 2021
جے ایم آئی کے مطابق پروفیسر کی 15 ، ایسوسی ایٹ پروفیسر کی 14 اور اسسٹنٹ پروفیسر کی 18 آسامیاں پُر ہوں گی۔ ایسوسی ایٹ پروفیسر کے عہدے کے لئے آن لائن درخواست دینے والے امیدواروں کو ماسٹر ڈگری اور پی ایچ ڈی ہونا چاہئے۔ اس کے علاوہ ، متعلقہ شعبے میں بھی تجربہ ہونا چاہئے۔ اسی کے ساتھ ساتھ دیگر عہدوں سے متعلق تعلیم کی اہلیت اور عمر کی حد سمیت دیگر معلومات کیلئے امیدوار آفیشیل ویب سائٹ پر موجود نوٹیفکیشن کو پڑھ سکتے ہیں۔ درخواست دیتے وقت صرف اس بات کو ذہن میں رکھیں کہ آن لائن درخواست فارم میں کوئی گڑبڑی نہ ہو، کیونکہ ایسا ہونے پر درخواست فارم مسترد کردی جائے گی۔ اس کے بعد کوئی درخواست فارم قابل قبول نہیں ہوگی۔
اس کے علاوہ ، یونیورسٹی آف میڈیکل سائنس ، دہلی نے اسسٹنٹ پروفیسر کے عہدے پر بھرتی کے لئے امیدواروں سے درخواستیں طلب کی ہیں۔ اس کے تحت کل 30 عہدوں پر بھرتی کی جائے گی۔ ایسی صورتحال میں تمام امیدوار جو ان آسامیوں کے لئے آن لائن درخواست دینا چاہتے ہیں وہ یو سی ایم ایس کی آفیشیل سائٹ ucms.ac.in کے ذریعہ درخواست دے سکتے ہیں ۔ وہیں امیدوار اس بات کا خیال رکھیں کہ اس عہدے کے لیے درخواست دینے کی آخری 29 جون 2021تک ہے ۔