پریاگ راج :
پنچایت انتخابی ڈیوٹی سے واپس آنے کے بعد کورونا انفیکشن کی وجہ سے اب تک ضلع میں جہاں 28 ٹیچروں نے اپنی زندگی سے ہاتھ دھو بیٹھے ہیں ،وہیں پوری ریاست میں 550 ٹیچروںکی موت ہوچکی ہے۔ پنچایت انتخابات سے قبل ٹریننگ اور ووٹنگ کی ڈیوٹی کرنے والے ضلع کے 13 ہزار ٹیچروں میں سے اب تک تقریباً ایک ہزار ٹیچرکورونا سے متاثر ہوچکے ہیں ۔ یہ دعویٰ کرتے ہوئے اترپردیش شکشک مہا سنگھ کے ریاستی صدر ڈاکٹر دنیش شرما ، کنوینر ہیم سنگھ پنڈیر ، شکشا ودھان منڈل دل کے لیڈر سریش کمار ترپاٹھی ، دھرو کمار ترپاٹھی نے ریاستی حکومت سے پنچایت انتخابات کی گنتی ملتوی کرنے کا مطالبہ کیا ہے۔
شکشک مہا سنگھ کا دعویٰ ہے کہ جن اضلاع میں پنچایت انتخابات ہوئے ہیں ان میں زیادہ ٹیچروں کی کورونا کی وجہ سے موت ہوگئی ہے۔ پہلے مرحلے میں پریاگ راج ضلع میں 28 پرائمری ٹیچر اور 10 سیکنڈری ٹیچروں کی موت ہوگئی۔ اترپردیش سیکنڈری ٹیچر ایسوسی ایشن ٹھاکرائی گروپ نے ریاستی حکومت کو پنچایت انتخابات کی گنتی میں کورونا انفیکشن کے ممکنہ خطرے سے خبردار کیا ہے۔
علاج کے عدم دستیابی کے سبب دم توڑ رہے ہیں ٹیچر
اتر پردیش سیکنڈری ٹیچر ایسوسی ایشن کا کہنا ہے کہ موت کے منھ میں سمانے والے زیادہ تر ٹیچر انتخابی ڈیوٹی کے بعد انفیکشن ہوئے ہیں۔ ایسوسی ایشن کی جانب سے گزشتہ پیرکو کورونا کے شکار ہوئے 25ٹیچروں کے نام ہیں جبکہ تین ٹیچروں کی موت گزشتہ بدھ کو ہوچکی ہے۔ اس طرح ضلع میں 28 کونسل ٹیچردنیا میں نہیں رہے۔ شکشک سنگھ کا کہنا ہے کہ کورونا کی وجہ سے اپنی جان گنوانے والے زیادہ تر ٹیچر پنچایت انتخابات میں ووٹنگ اور اس سے پہلے کی جانے والی ٹریننگ کے بعد بیمار ہوگئے تھے۔ جنہیں علاج نہیں مل سکا۔
ریاست کے جن اضلاع میں پنچایت انتخابات پہلے مرحلے میں ہوئےوہاں انفیکشن کی وجہ سے مرنے والوں کی تعداد زیادہ ہیں۔ اس میں تنہا پریاگ راج میں ہی 28 ٹیچروں کی موت ہوگئی۔ جبکہ دوسرے مرحلے میں انتخابات والے پرتاپ گڑھ ضلع میں اب تک 13 ٹیچروں کی کورونا انفیکشن کی وجہ سے موت ہوئی ہے۔ یہیاں کے بی ایس اے نے دو دن پےلے جو فہرست جاری کی تھی اس میں 12 ٹیچروں کے نام شامل تھے۔ وہ تعداد دو دن بعد بڑھ گئی ہے۔ فتح پور ضلع میں تیسرے مرحلے میں انتخابات ہوئے تھے ، یہاں ٹریننگ اور انتخابات کے دوران انفیکشن کی وجہ سے د ٹیچروں کی موت ہوچکی ہے۔ کوشامبی ضلع میں جہاں جمعہ کو پولنگ شیڈول ہے ، کورونا کی وجہ سے چار ٹیچر کی موت ہوگئی ہے۔ بھدوہی میں تیسرے مرحلے میں انتخابات ہوئے ، جہاں سات ٹیچروں کی کورونا انفیکشن کے باعث موت ہوگئی۔ اتر پردیشسیکنڈری ٹیچر ایسوسی ایشن کے ضلع صدر اور ریاستی نائب صدر دیویندر کمار سریواستو کا کہنا ہے کہ ریاست کے تمام 75 اضلاع میں اب تک 550 اساتذہ کی موت ہوچکی ہے۔