کانپور :(ایجنسی)
کانپور پولیس کمشنر اسیم ارون کی وی آر ایس(رضاکارانہ ریٹائرمنٹ اسکیم) کی درخواست کو منظوری دے دی گئی ہے۔ اس کے ساتھہی وہ اب آئی پی ایس کی سروس سے آزاد ہوگئے ہیں۔ اس کے لیے صرف رسمی کارروائی باقی ہے۔ بتایا جاتا ہے کہ اسیم ارون بی جے پی کے ٹکٹ پر قنوج کی مخصوص صدر سیٹ سے اسمبلی الیکشن لڑ سکتے ہیں۔
اسیم ارون ہفتہ کو پولیس کی نوکری سے وی آر ایس لے کر بی جے پی میں شامل ہو گئے ہیں۔ ہفتہ کو سی ایم یوگی سے ملاقات کے بعد اسیم ارون نے نوکری چھوڑنے کا فیصلہ کیا تھا۔
بتادیں کہ اسیم ارون قنوج کے ٹھٹھیا کا رہنے والے ہیں۔ اس لیے وہ اس علاقے کو ہی اپنا سیاسی کرم بھومی بنانےکی کوشش کر رہے ہیں۔ہفتہ کو اسیم ارون نے ایک فیس بک پوسٹ کے ذریعے بتایا تھا کہ انہیں سی ایم یوگی آدتیہ ناتھ کی طرف سے بی جے پی میں شامل ہونے کی پیشکش موصول ہوئی ہے۔ انہوں نے خوشی کا اظہار کیا کہ انہیں اس قابل سمجھا گیا۔ اب وہ اپنا سارا تجربہ سیاست کے لیے وقف کرنا چاہتے ہیں۔
اسیم ارون نے اپنی فیس بک پوسٹ میں کہا ہے کہ وہ مہاتما گاندھی کے اصولوں پر کام کرنے جا رہے ہیں۔ معاشرے کے ہر طبقے کے احترام کے لیے بھرپور کوشش کریں گے۔
نہیں پہن پاؤں گا الماری کی سب سے پسندیدہ ڈریس
اسیم ارون نے اپنی پوسٹ میں اس بات پر بھی غم کا اظہار کیا کہ اب وہ دوبارہ پولیس کی وردی نہیں پہن سکیں گے۔ انہوں نے اپنی فیس بک پوسٹ میں لکھا کہ ’صرف ایک مسئلہ ہے، میں اپنی الماری کے خوبصورت ترین کپڑوں میں اپنی وردی نہیں پہن سکوں گا‘۔ انہوں نے کہا کہ اپنے ساتھیوں سے الوداع کرتے ہوئے وعدہ کرتا ہوں کہ میں اس وردی کی عزت کے لیے سب سے آگے کھڑا رہوں گا۔ میری طرف سے آپ کو بہت سلام۔