ممبئی :(ایجنسی)
سنگاپور کے حکام نے کشمیر فائلز فلم پر پابندی عائد کر دی ہے۔ ان کا کہنا ہے کہ یہ فلم الگ الگ کمیونٹیز میں اختلافات کو فروغ دے سکتی ہے۔ یہی نہیں اسے یکطرفہ بھی قرار دیا گیا ہے۔ کہا جاتا ہے کہ کشمیر کے جاری تنازع میں ہندوؤں کو ظلم و ستم کا نشانہ بنایا جاتا ہے جبکہ مسلم فریق کا موقف یکطرفہ ہے۔ آپ کو بتا دیں کہ یہ فلم بھارت میں 11 مارچ کو ریلیز ہوئی تھی۔ بھارت میں بھی سوشل میڈیا پر اس حوالے سے بحث چھڑ گئی تھی۔ اس فلم کو بہت سے لوگوں نے پروپیگنڈہ اور مسلمانوں کے خلاف بتایا، حالانکہ فلم نے باکس آفس پر زبردست کمائی کی ہے۔
آن لائن ہندوستان کی خبر کے مطابق سنگاپور نے وویک اگنی ہوتری کی ہدایت کاری میں بننے والی فلم دی کشمیر فائلز پر پابندی لگا دی ہے۔ رپورٹس کے مطابق سنگاپور اتھارٹی کا خیال ہے کہ یہ فلم یکطرفہ ہے۔ سنگاپور نے انفو کام میڈیا ڈیولپمنٹ اتھارٹی، وزارت ثقافت، کمیونٹی اور نوجوانوں اور وزارت داخلہ کے تعاون سے ایک مشترکہ بیان جاری کیا ہے۔ انہوں نے مزید کہا کہ یہ فلم الگ الگ برادریوں کے درمیان دشمنی کو بڑھا سکتی ہے۔ مختلف مذاہب کو ماننے والے ہمارے معاشرے کا مذہبی اتحاد متاثر ہو سکتا ہے۔ درجہ بندی کے رہنما خطوط کا حوالہ دیتے ہوئے کہا گیا کہ سنگاپور میں ذات پات اور مذہبی برادریوں کو بدنام کرنے کی کوشش کرنے والی کسی بھی چیز کی درجہ بندی نہیں کی جا سکتی۔
