نئی دہلی :ملک کے سب سے بڑے ڈرگ ریگولیٹر، سینٹرل ڈرگس اسٹینڈرڈ کنٹرول آرگنائزیشن (سی ڈی ایس سی او) نے ریاستی ریگولیٹرز، ڈاکٹروں اور مریضوں کو دو ادویات – liver کی دوا ڈیفٹیلیو اور کینسر کی دوا ایڈسیٹریس کے بارے میں خبردار کیا ہے۔ اس کی وجہ ڈبلیو ایچ او کی طرف سے دی گئی وارننگ ہے۔
ڈبلیو ایچ او نے ان ادویات کے جعلی ورژن کے خلاف وارننگ جاری کی ہے۔ یہ جعلی ادویات بھارت سمیت چار ممالک میں مل رہی ہیں۔ آئیے جانتے ہیں پورا معاملہ کیا ہے۔
دی کوئینٹ کے مطابق liverکی دوا Defitelio اور کینسر کے علاج کے انجیکشن Adcetris کے جعلی ورژن بھارت میں دستیاب ہیں۔ ڈرگ کنٹرولر جنرل آف انڈیا (DCGI) نے یہ اطلاع دی۔ ساتھ ہی تمام ریاستوں اور مرکز کے زیر انتظام علاقوں کے ڈرگ کنٹرولرز کو ان ادویات پر نظر رکھنے کی ہدایت دی گئی ہے۔
چند روز قبل ورلڈ ہیلتھ آرگنائزیشن (ڈبلیو ایچ او) نے ان ادویات کے حوالے سے الرٹ جاری کیا تھا۔ اس کے بعد، DCGI نے 5 ستمبر کو کہا کہ 50 mg Adcetris انجکشن کے کئی جعلی ورژن، جو تاکےڈا فارماسیوٹیکل کمپنی لمیٹڈ کے ذریعہ تیار کیے گئے ہیں، ہندوستان سمیت چار ممالک میں دستیاب ہیں۔ یہ ادویات اکثر مریض کو ذاتی بنیاد پر دستیاب کرائی جاتی ہیں، اور ان کی سپلائی بنیادی طور پر آن لائن ہوتی ہے۔۔
سی ڈی ایس سی او کی طرف سے بھیجے گئے دو انتباہات میں کہا گیا، "اپنے افسران کو ہدایت دیں کہ وہ بازار میں ان ادویات کی نقل و حرکت، فروخت اور تقسیم پر کڑی نظر رکھیں۔” اس میں کہا گیا ہے کہ ادویات کے نمونوں کی جانچ کی جائے۔
انتباہات ڈاکٹروں پر زور دیتے ہیں کہ وہ احتیاط کے ساتھ دونوں دوائیں تجویز کریں اور مریضوں کو کسی بھی منفی واقعات کی اطلاع دینے کے بارے میں تعلیم دیں۔ نیز یہ بھی مشورہ دیا گیا ہے کہ یہ دوائیں صرف کسی مجاز میڈیکل اسٹور سے خریدیں۔