نئی دہلی :(ایجنسی)
دہلی پولیس نے 2018 کے ایک ٹویٹ پر فیکٹ چیکنگ ویب سائٹ آلٹ نیوز کے شریک بانی محمد زبیر کو گرفتار کیا ہے۔ بتا دیں کہ دہلی پولیس نے زبیر پر تین نئی دفعہ لگائی ہے، جس میں بیرون ملک سے چندہ لینے کے الزام میں 35 FCRAاور آئی پی سی 201,120 (B)کے ساتھ شواہد کو تباہ کرنے (فون فارمیٹ اور ٹویٹس کو حذف کرنا)کی سازش کرنے سے جڑی نئی دفعات لگائی ہیں ۔
اہم بات یہ ہے کہ دہلی پولیس نے زبیر کا موبائل فون اور ہارڈ ڈسک ضبط کر لی ہے۔ ہفتہ کو زبیر کو دہلی کی پٹیالہ ہاؤس کورٹ میں پیش کیا گیا۔ اس دوران پولیس نے زبیر کے ریمانڈ کا مطالبہ نہیں کیا اور اسے 14 روزہ جوڈیشل ریمانڈ پر بھیجنے کا مطالبہ کیا۔ دراصل، دہلی پولیس کو زبیر کا چار دن کا ریمانڈ آج ختم ہو گیا ہے۔ دوسری جانب زبیر کے وکیل نے پٹیالہ کورٹ میں ضمانت کی درخواست دائر کر دی ہے۔
ای ڈی کو سونپی گئی معلومات:
انفورسمنٹ ڈائریکٹوریٹ کی اب زبیر کے معاملے میں انٹری ہوگئی ہے۔ بتا دیں کہ دہلی پولیس نے زبیر کے بینک کی تفصیلات ای ڈی کو سونپ دی ہیں۔ کہا جا رہا ہے کہ بیرون ملک سے پیسے آنے کی اطلاع ہے۔ دہلی پولیس نے پراودا فاؤنڈیشن آئی سی آئی سی آئی بینک کی تفصیلات 29 جون کو ای ڈی کو دی ہیں۔
اس اکاؤنٹ میں پچھلے تین ماہ میں 56 لاکھ روپے آئے ہیں۔ جسے تقریباً چار ہزار لوگوں نے بھیجا ہے۔ ذرائع کا کہنا ہے کہ اکاؤنٹ میں پاکستان اور سعودی سے بھی رقم آئی ہے۔ اسپیشل سیل کے آئی ایف ایس سی کے پولیس افسران کے مطابق زبیر کے بینک اکاؤنٹ میں یو پی آئی، ای والیٹ، کارڈ اور انٹرنیٹ بینکنگ سے رقم آئی ہے۔
بتادیں کہ محمد زبیر کے خلاف مذہبی جذبات بھڑکانے اور نفرت پھیلانے کی دفعات کے تحت مقدمہ درج کیا گیا ہے۔ انہیں دہلی پولیس کے اسپیشل سیل نے 27 جون کو گرفتار کیا تھا۔ یہ گرفتاری دفعہ 153A اور 295A کے تحت کی گئی۔ دہلی پولیس کے مطالبے پر عدالت نے تمام حقائق پر غور کرنے کے بعد زبیر کو پولیس حراست میں بھیج دیا۔