نئی دہلی:
کورونا وائرس مہاماری پر دنیا کی اہم آوازوں میں سے ایک امریکہ کے اعلیٰ طبی ماہر ڈاکٹر انتھونی فاؤچی نے بھارت میں کچھ دنوں کے لیے لاک ڈاؤن کا مشورہ دیا ہے۔ فاؤچی کا کہنا ہے کہ اس سے اس مشکل وقت میں فوری اقدامات کرنے میں وقت ملے گا۔ انہوں نے فوری طور پر لوگوں کے ویکسینیشن پر بھی زور دیا۔
’دی انڈین ایکسپریس‘ کو انٹرویو دیتے ہوئے امریکی صدر جو بائیڈن کے چیف میڈیکل ایڈوائزر ڈاکٹر فاؤچی نے کہا کہ ہندوستان اس وقت انتہائی مشکل حالت میں ہے اور صورتحال کو درست کرنے کے لئے کچھ فوری اقدامات اٹھانے کی ضرورت ہے۔ ڈاکٹر فاؤچی نے کہا کہ
اس وقت سب سے اہم بات یہ ہے کہ آکسیجن ، سپلائی ، دوائی ، پی پی آئی اور دیگر چیزوں کا فوری انتظامات کئے جائیں، لیکن اسی کے ساتھ ہی پورے ملک میں فوری طور پر لاک ڈاؤن ضروری ہے۔
چین کی مثال دیتے ہوئے ڈاکٹر فاؤچی نے کہا کہ چھ ماہ کے لئے لاک ڈاؤن کی ضرورت نہیں ہے ، کچھ وقت کے لئے ، لاک ڈاؤن بھی انفیکشن کی سائیکل کو روک سکتا ہے۔ ڈاکٹر فاؤچی نے کہا کہ کچھ ہفتوں کے لاک ڈاؤن سے انفیکشن کی روک تھام پر اثر پڑے گا اور اس سے تیاری کے لئے مزید وقت بھی ملے گا۔
ڈاکٹر فاؤچی کی ہندوستان سے متعلق تجاویز:
لوگوں کو فوری طور پر ویکسین دینا ضروری ہے۔ اس سے صورتحال فوری طور پر ٹھیک نہیں ہو گا ، لیکن یہ ضروری ہے۔
آکسیجن ، دوا، سپلائی کے لیے ایک ایمرجنسی گروپ یا کمیشن کی ضرورت ہے جو اسے لے کر پلان بنا ئے۔ اس کے لیے ڈبلیو ایچ او ممالک سے بھی مدد لی جاسکتی ہے۔
لوگوں کی دیکھ بھال کے لئے ایمرجنسی اسپتال بنائے جائے ،میں ٹی وی پر دیکھ رہاہوں کہ لوگوں کو اسپتال اور دیکھ بھال کی ضرورت ہے، یہ پہلی چیز ہے۔
صلاحکا ر کے الگ الگ گروپس کو ساتھ لگائیں، فیلڈ اسپتال بنائے جائیں ، جیسے جنگ کے وقت بنائے جاتے تھے۔