نئی دہلی :
مغربی بنگال کی وزیر اعلیٰ ممتا بنرجی نے اپنی روانی ہندی اورگجراتی کی وجہ پی ایم مودی اور امت شاہ کو بتایا ۔ دہلی میں بدھ کو میڈیا سے بات کرتے ہوئے ٹی ایم سی سربراہ نے کہاکہ مودی کو دیکھ کر ہندی اچھی ہو گئی اور امت شاہ کو دیکھ کر گجراتی بھی اچھی ہوگئی۔ پریس کانفرنس کے دوران انہوں نے صحافیوں سے کہاکہ وہ ہندی میں پوچھے گئے سوالات کاجواب ہندی میں ہی دیں گی۔ جب ان سے سوال کیاگیا کہ آپ اتنی روانی میں ہندی کیسے بولنے لگیںتو انہوں نے مذاحیہ انداز میں کہاکہ مودی کو دیکھ کر ہندی اچھی ہو گئی ، امت شاہ کو دیکھ کر گجراتی بھی۔ اس کے بعد وہ کیم چھو ،کیم چھو کہنے لگی جس کا گجراتی زبان میں مطلب ہے کہ آپ کیسے ہیں۔
ٹی ایم سی کے رکن پارلیمنٹ سکھیندو شیکھر رائے نے اپنی سرکاری رہائش گاہ پر سی ایم بنرجی کے لیے میڈیا سے بات چیت کے لیے پروگرام کاانعقاد کیا تھا۔ یہاں سی ایم کو میڈیا کا شکریہ ادا کرنے کے لئے بلایا گیا تو وہ بنگالی زبان میں تقریریں کرنے لگے۔ تب بنرجی نے جاکر انھیں نرمی سے روکا ، جس کے بعد وزیر اعلیٰ بنرجی نے اپنی تقریر ہندی میں دی۔
بتادیں کہ ممتابنرجی کو ان دنوں دہلی میں سیاسی چہل قدمی کرتے ہوئے دیکھا جارہاہے ۔ بدھ کو انہوں نے دہلی میں اپنی پارلیمانی پارٹی کی میٹنگ بلائی تھی۔ اس کے بعد وہ کانگریس کی عبوری صدر سونیا گاندھی سے ملاقات کرنے کے لیے ان کی رہائش گاہ پہنچی تھیں، جہاں راہل گاندھی بھی موجود تھے ۔ اس کے بعد شام کو ان کی ملاقات دہلی کے وزیر اعلیٰ اروند کیجریوال کے ساتھ ٹی ایم سی رکن پارلیمنٹ ابھیشیک بنرجی کے گھر پر ہوئی تھی ۔
سی ایم ممتا بنرجی کی ان ملاقات کے پیچھے مشن 2024کو ماناجارہاہے ۔ جانکاری کے مطابق ممتا بنرجی پی ایم مودی اور بی جے پی کے خلاف اپوزیشن کو ایک متحد کرنا چاہتی ہیں۔ ممتا بنرجی اترپردیش سے اپنی انتخابی مہم کا آغاز کرسکتی ہیں۔ آئندہ سال سات ریاستوں میں اسمبلی انتخابات ہونے ہیں۔ وہ ان ریاستوں میں بی جے پی کی بنیاد کو کمزور کرنے کی کوشش کرتی نظر آرہی ہیں۔