لکھنؤ: سبرت رائے کی گرفتاری پر ایک ہفتہ کی روک لگادی گى سہارا گروپ نے بہار سے جاری غیر ضمانتی وارنٹ پر یہ بیان دیا ہے ‘بہار کے نالندہ ضلع کے ڈسٹرکٹ کنزیومر فورم میں 3 لاکھ کی دھوکہ دہی کا معاملہ ہے۔ اس تناظر میں عدالت نے اپنے آج کے حکم پر مزید کارروائی کے لیے روک لگا دی ہے،دریں اثنااس سے قبل آنے والی اس خبر نے سنسنی پیدا کردی جس کے مطابق لکھنؤ کمشنریٹ کے دو زونوں کی پولیس نے جمعہ کو سہارا کے سربراہ سبرت رائے کی تلاش میں گومتی نگر میں سہارا سٹی اور کپورتھلا میں واقع ان کے ہیڈکوارٹر پر چھاپہ مارا۔
تقریباً دو گھنٹے تک جاری رہنے والے آپریشن کے دوران پولیس ٹیم نے دونوں جگہوں پر ہر کیبن اور کمرے کی تلاشی لی لیکن سبرت رائے پولیس کو نہیں مل سکے۔ ڈی سی پی نارتھ کے مطابق بہار شریف نالندہ کنزیومر فورم نے ان کے خلاف غیر ضمانتی وارنٹ جاری کیا تھا۔ جس کے بعد گرفتاری پر چھاپہ مارا گیا۔ ہندی روزنامہ ‘امر اُجالا’ آن لائن نے سی پی نارتھ ایس ایم قاسم عابدی کے حوالہ سے بتایا کہ سہارا چیف سبرت رائے کے خلاف بہار شریف نالندہ کنزیومر فورم میں مقدمہ نمبر 55/2021 درج کیا گیا تھا۔
جس میں سہارا چیف پر تین لاکھ روپے ہڑپنے کا الزام ہے۔ اس معاملے میں کنزیومر فورم کے جج نے سہارا کے سربراہ سبرت رائے کے خلاف 29 نومبر کو غیر ضمانتی وارنٹ جاری کیا۔ فورم نے اس وارنٹ پر عمل درآمد کرنے اور سبرت رائے کو گرفتار کرنے کے لیے لکھنؤ کمشنریٹ پولیس کو 10 دسمبر 22 کا وقت دیا تھا۔ وارنٹ ملنے کے بعد پولیس کی دو ٹیموں نے جمعے کی دوپہر دو بجے کے قریب دو مختلف مقامات پر ایک ساتھ چھاپے مارنا شروع کر دیے۔سیکڑوں پولس اہلکاروں کی ٹیم سہارا سٹی امبیڈکر پارک کے قریب پہنچی۔
دو بجے سے چار بجے تک پولس ٹیم نے سہارا کے سربراہ سبرت رائے کے بنگلے کی تلاشی لی۔ ڈی سی پی کے مطابق سبرت رائے اندر نہیں ملے۔ امراجالا نے آگے بتایا کہتلاش جاری ہے۔ ساتھ ہی کمپنی کے ذمہ دار افسران سے ان کے رشتہ داروں کے نمبر لیے جا رہے ہیں۔ جنہیں سرویلنس پر رکھا جائے گا۔ دوسری جانب علی گنج کے کپورتھلا چوراہے پر واقع سہارا انڈیا کے ہیڈ کوارٹر پر بھی پولیس ٹیم نے چھاپہ مارا۔ اس ٹیم کی قیادت اے سی پی غازی پور وجے راج سنگھ اور اے سی پی علی گنج آشوتوش کمار کر رہے تھے۔ اس ٹیم میں غازی پور، علی گنج، مدیانو پولیس اسٹیشن کی ٹیم موجود تھی۔ ٹیم نے ہر کیبن کی تلاشی لی لیکن کوئی سراغ نہ مل سکا۔
ساتھ ہی دہلی، راجستھان اور مدھیہ پردیش کی پولیس بھی سبرت رائے کی تلاش میں لگی ہوئی ہے۔ ان کے خلاف وہاں کئی مقدمات درج ہیں۔ دہلی پولیس کی ٹیم دو دن سے گومتی نگر علاقے میں ڈیرے ڈالے ہوئے ہیں۔ ادھر راجستھان کی پولیس کچھ دن پہلے آئی تھی، لیکن وہ بھی خالی ہاتھ گئی۔ مدھیہ پردیش ک�
کی پولیس نے کئی بار چھاپے مارے، لیکن وہ سبرت رائے کو نہیں پکڑ سکی۔ پولیس کے مطابق سبرت رائے کے خلاف کئی مقدمات درج ہیں۔