بھوپال ( مفتی شکیل احمد واجدی)
مولانا سید ارشد مدنی صدر جمعیۃ علماء ہند کی ہدایت پر جمعیۃ علماء ہند کا ایک وفد مولانا مفتی سید معصوم ثاقب جنرل سکریٹری جمعیۃ علماء ہند کی قیادت میں مولانا مفتی محمد احمد خان صدر جمعیۃ علماء مدھیہ پردیش کی ہدایت مطابق جمعیۃ علماء مدھیہ پردیش کے ذمہ داران کے ہمراہ 27 اپریل 2022 کو کھرگون پہنچا، جہاں حافظ چاند محمد سراجی صدر جمعیۃ علماء کھرگون کے مکان پرمولانا مفتی سید معصوم ثاقب قاسمی ناظم عمومی جمعیۃ علماء ہند کی زیر صدارت جمعیۃ علماء کھرگون کا ہنگامی مشاورتی اجلاس منعقد ہوا، جس میں دوران فساد جمعیۃ علماء کھرگون کی خدمات کا جائزہ لیا گیا۔ ناظم عمومی جمعیۃ علماء ہند نے صدر جمعیۃ علماء ہند کی جانب سے ضروری ہدایات سب کے سامنے رکھیں، اور ایسے حالات میں مرحلہ وار کام کرنے کا طریقہ سمجھایا، تمام خدام جمعیۃ نے ان ہدایات پر عمل درآمد کرنے کا وعدہ کیا، مشورے کے بعد وفد متاثرہ مقامات کے مشاہدے اور معائینہ کے لئے روانہ ہوا اور سب سے پہلے یہ وفد کھرگون کے ایس پی صاحب سے ملا، انہوں نے وفد کا استقبال کیا اور اپنے تعاون کی یقین دہانی کرائی، اس کے بعد وفد مختلف مقامات کا جائزہ لیتے ہوئے شہید ابریش عرف صدام کی قبر پر جاکر فاتحہ خانی کی اور ان کے گھر پہنچ کر تعزیت کی، مولانا سید ارشد مدنی صدر جمعیۃ علماء ہند کی جانب سے مرحوم صدام کی زوجہ مسکان خان کو چار لاکھ روپےاور والدہ ممتاز خاں کو ایک لاکھ روپے یعنی کل پانچ لاکھ روپے سے ان کی امداد کی گئی۔
واضح ہو کہ جمعیۃ علماء کھرگون کئی دنوں سے بلا تفریق مذہب کے امداد تقسیم کر رہی ہے، اور متاثرین کی قانونی چارہ جوئی بھی کر رہی ہے، وفد نےتمام جگہوں پر جاکر متاثرین سے ملاقات کی، نقصان زدہ علاقوں کا دورہ کیا اور یقین دلایا کہ جمعیۃ علماء ہر مظلوم کے ساتھ بلا تفریق و مذہب کھڑی ہے، اور سب سے امن و امان بنائے رکھنے کی اپیل کی۔
لوگوں نے اپنے اپنے حالات سنائے اور اپنی ضروریات وفد کے سامنے رکھیں، تمام نقصان کی تلافی اور حالات سازگار ہونے کے لیے ایک طویل جدوجہد کی ضرورت ہے ۔ سروے کی تمام تفصیلات دہلی مرکزی دفتر بھیج دی گئی ہیں۔ کام ابھی بھی جاری ہے۔ اورمزید تفصیلات جاننے کے لئے درج ذیل نمبرات پر رابطہ قائم ر سکتے ہیں:
مولانا محمد اسحاق قاسمی رابطہ: 9993647089،مفتی شکیل احمد واجدیرابطہ: 8839440723،حافظ چاند محمد سراجی رابطہ: 9826016558۔
جمعیۃ علماءہند کے اس وفد میں مرکزی دفتر کی جانب سے مولانا مفتی سید معصوم ثاقب ناظم عمومی جمعیۃ علماء ہند، مولانا مفتی عبد الرازق قاسمی ناظم عمومی جمعیۃ علماء صوبہ دہلی، الحاج صوفی مشتاق احمد ناظم جمعیۃ علماء دھولیہ اور صوبائی دفتر کی جانب سے مولانا محمد اسحاق خان قاسمی ناظم عمومی جمعیۃ علماء مدھیہ پردیش،الحاج محی الدین (ببو بھائی) رکن عاملہ جمعیۃ علماء مدھیہ پردیش، مولانا شمس الدین صدر جمعیۃ علماء اندور، الحاج یوسف لالہ سکریٹری جمعیۃ علماء اندور، مولانا مختار احمد اندور، مولانا مفتی سراج الدین ربانی رکن مجلس منتظمہ جمعیۃ علماء مدھیہ پردیش اور مولانا محمد امین رکن مجلس منتظمہ جمعیۃ علماء مدھیہ پردیش شامل تھے۔ مقامی جمعیۃ علماء کے ذمہ داران الحاج حافظ چاند محمد سراجی (صدر جمعیۃ علماء کھرگون) الطاف بھائی صدر جماعت اصلاح المسلمین، مفتی محمد مصعب جیلانی (جنرل سیکرٹری کھرگون) مولانا محمد عمر اور ایڈووکیٹ شہزاد صاحبان سمیت دیگر حضرات نے سخت دھوپ میں وفد کی رہنمائی فرمائی۔