نئی دہلی :
ملک میں آبادی کنٹرول پر بحث تیز ہے ۔ کئی ریاست اسے اپنے یہاں لاگو کرنے کی باتیں کررہی ہیں ۔ اگر یہ قانون لاگو ہوتا ہے تو دو سے زیادہ بچوں والے لوگوں کو سرکاری نوکری جیسی کئی سہولتوں سے محروم رکھا جائے گا۔ حالانکہ آبادی کنٹرول قانون پر تنازع کے درمیان اس بات کی بھی بحث ہے کہ بہت سے سیاسی لیڈروں کے دو سے زیادہ بچے ہیں ۔ کیا ان پر بھی الیکشن لڑنے کی پابندی رہے گی ۔ انہیں مباحث کے درمیان آئیے جانتے ہیں کہ نریندر مودی کابینہ میں کس وزیر کے دو سے زیادہ بچے ہیں ۔
ناگپور سے منتخب ہو کر پارلیمنٹ پہنچنے والے مرکزی وزیر نتن گڈکری کے تین بچے ہیں۔
درج فہرست قبائل امور کی وزیر رینوکا سنگھ سروتا کے 4 بچے ہیں ۔
وزیر خارجہ ایس جے شنکر کی اہلیہ کا نام کیوکو جے شنکر ہے۔ دونوں کے تین بچے ہیں۔
یو پی کے سی ایم رہ چکے بی جے پی کے قد آور لیڈر اور ملک کے وزیر دفاع راج ناتھ سنگھ کے بھی تین بچے ہیں۔
مرکزی وزیر زراعت نریندر سنگھ تومر کے 3 بچے ہیں۔
وزیر مملکت برائے تعلیم انا پورنا دیوی کے تین بچے ہیں۔
قبائلی امور کے وزیر ارجن منڈا بھی تین بچوں کے والدہیں۔