نئی دہلی:
قومی راجدھانی کے پینٹا میڈ اسپتال میں صرف ایک گھنٹے استعمال کی آکسیجن بچی ہے۔
اسپتال کے ذرائع نے یو این آئی کو بتایا کہ یہاں 50 ایسے مریض ہیں جنہیں آکسیجن کی ضرورت ہے جبکہ کچھ وینٹی لیٹر پر ہیں ۔ اسپتال میں آکسیجن کی کمی کے سبب بحران کی صورتحال ہے۔
انہوں نے کہا ’’اسپتال نے 55 سلنڈر ریفلنگ کے لئے نزدیک کے پلانٹ میں بھیجے تھے لیکن ابھی تک ایک بھی سلنڈر ریفل نہیں ہوا ہے۔ ہمارے ملازمین گزشتہ شب سے اس کے لئے قطار میں لگے ہوئے ہیں‘۔
واضح رہے کہ آکسیجن کے بحران کا سامنا کررہی دہلی میں اب تک 45 لوگوں کی زندگی بچانے والی آکسیجن کی کمی کے سبب موت ہوچکی ہے۔