دہرادون اتراکھنڈ وقف بورڈ کے بلامقابلہ چیئرمین منتخب ہونے کے فوراً بعد، بی جے پی لیڈر محمد شاداب شمس نے بدھ کو کہا کہ بورڈ کی اہم ترجیح وقف املاک کو ناجائز قبضوں اور تجاوزات سے آزاد کرانا اور اپنے بلڈوزر خریدنا ہے۔ یہ بتاتے ہوئے کہ بورڈ نے وزیر اعلی پشکر سنگھ دھامی کے ساتھ اس معاملے پر بات چیت کی ہے، شمس نے انڈین ایکسپریس کو بتایا، "ہم ‘دھاکڑ دھامی’ بلڈوزر چلانے کی تجویز پیش کر رہے ہیں اور وقف بورڈ اپنے بلڈوزر خریدے گا۔”شمس، جنہوں نے مختلف سطحوں پر بی جے پی کی خدمات انجام دی ہیں اور پارٹی کے ترجمان بھی ہیں، کو دہرادون سکریٹریٹ میں پرنسپل سکریٹری (اقلیتی بہبود) ایل فنائی نے بلامقابلہ انتخاب کا سرٹیفکیٹ سونپا۔
وقف بورڈ ایک قانونی ادارہ ہے، جو وقف املاک کی مناسب دیکھ بھال کے انتظامات کرتا ہے۔ اور یہ بھی دیکھتا ہے کہ وہاں جو بھی پیسہ کمایا جائے اسے مسلم اصولوں اور قانون کے مطابق استعمال کیا جائےشمس نے انڈین ایکسپریس کو بتایا، "ریاست اتراکھنڈ کی تشکیل کے بعد کرائے گئے ایک سروے کے مطابق، وقف بورڈ کے تحت تقریباً 1.5 لاکھ کروڑ روپے کے اثاثے ہیں۔ ان میں سے بہت سی جائیدادیں غیر قانونی قبضے میں ہیں۔ یہ اثاثے غریبوں کے ہیں۔ ہماری بنیادی ترجیح ان جائیدادوں کو آزاد کرنا ہے۔