نئی دہلی:
ملک کی مختلف ریاستوں میں واقع حج ہاؤس کو عارضی ’کورونا کیئر سینٹر‘ کے طور پر ریاستی حکومتوں کو استعمال کرنے کے لئے دیئے جانے کا فیصلہ کیا گيا ہے۔ مرکزی وزیر برائے اقلیتی امور مختار عباس نقوی کی ہدایت پر ریاستی حج کمیٹیوں سے کہا گیا ہے کہ وہ اپنی متعلقہ ریاستوں میں واقع حج ہاؤس کو عارضی ’کورونا کیئر سینٹر ‘ کے طور پر استعمال کرنے دیں اور کورونا وائرس کے خلاف جنگ میں لوگوں کی صحت و سلامتی کے لئے ریاستی حکومتوں ؍ انتظامیہ کا بھرپور تعاون کریں۔
مندرجہ ذیل ریاستی حج کمیٹی کی عمارتوں کو ریاستی حکومتوں کے استعمال کے لئے دینے کا فیصلہ کیا گیا ہے۔
گجرات (احمد آباد)، کرناٹک (بنگلور)، کیرل (کالٹک)، دہلی (ترکمان گیٹ)، تلنگانہ (حیدرآباد)، مغربی بنگال (کولکاتہ)، مدھیہ پردیش (بھوپال)، اتر پردیش (لکھنؤ)، اتر پردیش (غازی آباد)، مہاراشٹر (ناگپور)، جموں وکشمیر (سری نگر)، تمل ناڈو (چنئی)، راجستھان (جے پور)، بہار (پٹنہ)، جھارکھنڈ (رانچی)،تریپورہ (اگرتلہ)