ممبئی :(ایجنسی)
مہاراشٹر میں شیوسینا کے باغی ایم ایل اے پیچھے ہٹنے کو تیار نہیں۔ باغی ایم ایل اے کی میٹنگ میں انہوں نے ڈپٹی اسپیکر نرہری جروال کو ہٹانے کی تجویز لینے کا منصوبہ بنایا ہے۔ ذرائع نے بتایا کہ باغی خیمے کے 46 ایم ایل ایز کے دستخطوں کے ساتھ تجویز تیار کرنے کی کارروائی کی جارہی ہے۔
دوسری طرف، مہاراشٹر کے ایڈووکیٹ جنرل آشوتوش کمبھکونی کو اسمبلی سیکرٹریٹ نے موجودہ سیاسی بحران پر قانونی رائے لینے کے لیے بلایا ہے۔ شیو سینا نے 16 باغی ایم ایل ایز کو نااہل قرار دینے کے لیے درخواست دائر کی ہے۔ ودھان سبھا سکریٹریٹ کارروائی کرنے سے پہلے قانونی رائے لینا چاہتی ہے۔
ڈپٹی اسپیکر کے خلاف باغیوں کا تازہ ترین پہل جمعہ کی رات اس وقت سامنے آیا جب شیوسینا نے ڈپٹی اسپیکر کے سامنے 16 باغی ایم ایل ایز کو نااہل قرار دینے کی درخواست دائر کی۔ اس سے پہلے کی ڈپٹی اسپیکر اپنا کوئی فیصلہ سنائیں باغی گروپ نے ڈپٹی اسپیکر کے خلاف عدم اعتماد لانے کی خبریں پھیلا دی ہیں ۔
یہ ایک قسم کا نفسیاتی کھیل ہے۔ شیو سینا کی طرف سے جب کوئی قانونی دائو کھیلا جاتا ہے تو باغی بھی اپنا اگلا منصوبہ بنا لیتے ہیں اور ذرائع سے اس کی تشہیر کی جاتی ہے۔
مہاراشٹر سے بی جے پی کے دو حامی ایم ایل اے مہیش بالدی اور ونود اگروال نے جمعہ کی صبح ڈپٹی اسپیکر کو خبردار کیا تھا کہ وہ شیوسینا کی کسی بھی درخواست پر باغی ایم ایل اے کو نااہل قرار نہ دیں کیونکہ ان کے خلاف تحریک عدم اعتماد ابھی زیر التوا ہے۔ اس لیے وہ ایسا کوئی فیصلہ نہیں لے سکتے۔ لیکن اب جب باغی ایم ایل اے کو احساس ہوا کہ ڈپٹی اسپیکر کا فیصلہ دیر سے آئے گا تو انہوں نے اکثریت کی بنیاد بتاتے ہوئے ان کے خلاف تحریک عدم اعتماد لانے کی خبر پھیلائی ہے۔
اس طرح ادھو ٹھاکرے کی حکومت کو ایک دن اور مل گیا ہے۔ حکومت کے لیے ہفتہ کا دن اہم ثابت ہو سکتا ہے۔ کیونکہ ڈپٹی اسپیکرکے فیصلے اور باغیوں کی پہل کا نتیجہ ہفتہ کو سامنے آ سکتا ہے۔